Almatyda tanysudan bas tartqan qyzdy beitanys jıgıt soqqyǧa jyqqan, dep habarlaidy “Adyrna” Massaget.kz-ke sılteme jasap.
Äleumettık jelıde boijetken soqqyǧa jyǧylǧany turaly aitqan. Almatynyŋ ortalyq köşesınde belgısız beitanys jıgıt onymen tanysqysy kelgen. Alaida boijetken tanystyqtan bas tartady. Jäbırlenuşınıŋ aituynşa oqiǧa osydan bırneşe kün būryn Sätbaev köşesınde bolǧan.
«Qūrbymmen özennıŋ jaǧasynda otyrdyq. Qolynda syra ūstap alǧan ekı jıgıt jaqyndap, bızben tanysqysy keldı. Bız ekı ret sypaiy türde bas tarttyq, keiın olardyŋ bırı "Nege tanysqylaryŋ kelmei tūr?" dep, boqtap, tıl tigıze bastady. Ol baiqatpastan jaqtan ūryp jıberdı. Esımnen tanyp qaldym, keiın 102, 103-ke habarlastyq", - deidı.
Eŋ soraqysy tärtıp saqşylary qyzdardyŋ özın tünde qydyrǧany üşın kınälaǧan. Boijetken:
"Prokuraturaǧa "ıstı tergeuşıge berıŋder, olar äkımşılık emes, qylmystyq ıs qozǧasyn" dep ekı ret hat jazdy. Zaŋymyzdyŋ siqy osy. 17 kün öttı, ony älı tappady... Ol menıŋ jaǧymdy syndyrmasa da, menıŋ psihikamdy būzdy. Olar ıstı operǧa da, tergeuşıge de bere almaidy. Onda kamera joq, sondyqtan ony taba almai jatyr", - dedı zardap şekken qyz.
Almaty polisiia departamentınıŋ baspasöz qyzmetı oqiǧaǧa qatysty tüsınık berdı.
"Küdıktılerdı anyqtau jäne ūstau boiynşa jedel ıs-şaralar jürgızılıp jatyr. Jäbırlenuşınıŋ alǧan jaraqatynyŋ auyrlyǧyn anyqtau maqsatynda sot-medisinalyq saraptama taǧaiyndaldy", - delıngen habarlamada.
Ūqsas jaŋalyqtar
