Prezident Qasym-Jomart Toqaev jeltoqsanda AQŞ-ta ötetın G20 sammitıne qatysady. Būl turaly Syrtqy ıster ministrlıgı aitty, dep habarlaidy «Adyrna» tılşısı.
Maiami qalasynda ötetın sammitke memleket basşysy AQŞ prezidentı Donald Tramptyŋ şaqyruymen barady.
Sammitke daiyndyq mäselelerı Syrtqy ıster ministrı Ermek Köşerbaev pen AQŞ Memlekettık hatşysynyŋ Oŋtüstık jäne Ortalyq Aziia ısterı jönındegı kömekşısı Pol Kapurdyŋ kezdesuınde talqylandy.
«Kezdesu barysynda 2026 jyldyŋ jeltoqsanynda Maiamide ötetın G20 sammitıne daiyndyq mäselelerı boiynşa pıkır almasu boldy. Sammitke memleket basşysy AQŞ prezidentı Donald Tramptyŋ şaqyruymen qatysady. Osyǧan bailanysty taraptar joǧary deŋgeidegı kün tärtıbın mazmūndy türde tolyqtyru maqsatynda özara ıs-qimyldy jalǧastyruǧa daiyn ekenın bıldırdı», – delıngen habarlamada.
Kezdesude Qazaqstan men AQŞ arasyndaǧy ekıjaqty qatynastardyŋ qazırgı jai-küiı men keŋeitılgen strategiialyq ärıptestıktıŋ damu perspektivalary qarastyryldy.
Taraptar ekonomikalyq yntymaqtastyq mäselelerıne de erekşe nazar audarǧan.
«Amerika tarapy yntymaqtastyqty odan ärı nyǧaituǧa müddelı ekenın rastady jäne energetika, strategiialyq maŋyzy bar mineraldar, ozyq tehnologiialar, sifrlandyru, kölık jäne investisiialar salalaryndaǧy özara ıs-qimyldy keŋeituge ülken äleuet bar ekenın atap öttı», – dep mälımdedı SIM.
Ermek Köşerbaev Qazaqstandaǧy saiasi jäne äleumettık-ekonomikalyq reformalar turaly aityp, eldıŋ jaŋa damu kezeŋıne qadam basqanyn jetkızdı.
Kezdesude 23 tamyzda ötetın Qūryltai sailauy da söz boldy. SIM būl nauqan jaŋa konstitusiialyq modeldı ıs jüzınde jüzege asyrudaǧy maŋyzdy kezeŋ bolatynyn atap öttı.
Sondai-aq taraptar Qazaqstannyŋ su resurstaryn jahandyq basqaru jüiesın nyǧaitu jönındegı bastamasyn talqylady. Äŋgıme Qasym-Jomart Toqaevtyŋ BŪŪ-nyŋ mamandandyrylǧan mekemesı retınde Halyqaralyq su ūiymyn qūru turaly ūsynysy töŋıregınde örbıdı.
