AQŞ prezidentı Donald Tramp İzrail premer-ministrı Biniamin Netaniahuǧa qatysty ıstı dereu toqtatuǧa şaqyrdy. Būǧan deiın saiasatker jemqorlyq ısı boiynşa sotqa şaqyrylǧan bolatyn, dep habarlaidy «Adyrna» tılşısı.
«İzrail tarihynda Netaniahudan artyq, myqty ärı qabılettı küresken eşkım bolmaǧan. Soǧan qaramastan, men qazır ǧana onyŋ ūzaqqa sozylǧan ıstı jalǧastyru üşın sotqa şaqyrylǧanyn bıldım. Netaniahuǧa qarsy sot prosesı dereu toqtatyluy kerek nemese memleket üşın öte köp eŋbek sıŋırgen būl ūly qaharmanǧa raqymşylyq jasaluy tiıs»,—dedı prezident Truth Social äleumettık jelısınde.
Tramptyŋ aituynşa, onyŋ Netaniahumen bırlesken jūmysy eŋ üilesımdı jäne tiımdı serıktestık bolǧan.
«AQŞ İzraildı qūtqardy, endı Netaniahudy da qūtqarady», — dep tolyqtyrdy memleket basşysy.
Eske salaiyq, 2024 jyldyŋ qaraşa aiynda Halyqaralyq qylmystyq sot Biniamin Netaniahuǧa qamauǧa alu turaly order berdı. Sot premer-ministrdı «adamzatqa qarsy qylmystar jäne äskeri qylmystar» jasady dep aiyptap, onyŋ aştyqty soǧys jürgızudıŋ ädısı retınde paidalanǧanyn mälımdedı.
Al 2024 jyldyŋ jeltoqsanynda Netaniahu İzrail tarihynda alǧaş ret qylmystyq ıs boiynşa aiyptaluşy retınde sot aldyna şyqqan qyzmettegı premer-ministr boldy. Sol kezde oǧan gollivudtyq magnat Arnon Milchennen qymbat syilyqtar aldy degen aiyp taǧyldy.
Netaniahuǧa qatysty sot prosesı 2020 jyldyŋ mamyrynda bastalǧan bolatyn. Alaida ol osy uaqytqa deiın bırneşe ret keiınge şegerıldı. Sebebı premer-ministr Gaza sektoryndaǧy soǧys pen Livandaǧy qaqtyǧystarǧa bailanysty tyŋdaulardy keiınge qaldyrudy sūraǧan. Kelesı sot tyŋdauynyŋ naqty uaqyty belgısız. Premer özıne taǧylǧan aiyptardy moiyndamaidy.
