AQŞ-tyŋ Grekiiadaǧy elşısı Kimberli Gilfoil dau-damaiǧa bailanysty otstavkaǧa kettı. Oǧan qyzmettık ökılettıgın jeke müddesıne paidalandy jäne bopsalaumen ainalysty degen aiyp taǧylyp otyr. Būl turaly Euronews jazdy, dep habarlaidy «Adyrna» tılşısı.
Gilfoil qyzmetınen ketkenın H äleumettık jelısındegı paraqşasynda mälımdedı.
«Amerika Qūrama Ştattarynyŋ Grekiiadaǧy elşısı bolu – ömırımdegı eŋ ülken märtebe. Maǧan älem tarihyndaǧy eŋ ūly eldıŋ atynan ökıldık etuge mümkındık bergenı üşın prezident Donald Tramp pen Memlekettık hatşy Marko Rubioǧa mäŋgı rizamyn», – dedı ol.
Kışı Donald Tramptyŋ būrynǧy qalyŋdyǧy elşı qyzmetıne kırısken alǧaşqy künnen bastap prezidenttıŋ kün tärtıbındegı basymdyqtardy ılgerıletu üşın jūmys ıstegenın aitty. Sondai-aq diplomat özıne qatysty dau-damaiǧa pıkır bıldırdı.
«Jaqynda maǧan taǧylǧan aiyptarǧa da toqtalǧym keledı. Būl aiyptaular jalǧan. Men öz atymdy, abyroi-bedelımdı jäne ar-namysymdy qorǧauǧa niettımın. Men käsıbi ömırımdı ädıldık üşın küresuge, dūrys dep sanaǧan närsenı qorǧauǧa jäne Amerikany bıregei etetın qūndylyqtardy jaqtauǧa arnadym. Jalǧan aiyptaulardyŋ memlekettık qyzmettegı ondaǧan jyldyq eŋbegıme köleŋke tüsıruıne jol bermeimın», – dep jazdy ol.
Aq üidıŋ baspasöz hatşysy Keti Zahariia Gilfoildyŋ Tramp komandasynda aitarlyqtai jūmys atqarǧanyn atap ötıp, äkımşılık oǧan sättılık tıleitının jetkızdı. Aq üi būl otstavkanyŋ Tramptyŋ ülken ūlynyŋ būrynǧy qalyŋdyǧynyŋ ainalasyndaǧy janjalmen bailanysty ne bailanysty emes ekenın resmi türde naqtylaǧan joq.
