Resei bilıgı el öŋırlerıne 2026 jyldyŋ soŋyna deiın äskerge 409 myŋ adamdy kelısımşart boiynşa tartu turaly jospar qoiǧan, dep habarlaidy "Adyrna" ūlttyq portaly Financial Times-qa sıltep.
Basylymnyŋ mälımetınşe, atalǧan şara Reseide jaŋa mobilizasiia jariialau qajettılıgın boldyrmauǧa baǧyttalǧan. Kreml men Resei qorǧanys ministrlıgı aimaq basşylaryna äskeri qyzmetke qabyldau körsetkışterın qamtamasyz etu mındetın jüktegen.
Financial Times deregınşe, jaŋa kelısımşart boiynşa äskeri qyzmetke alynǧandardyŋ basym bölıgı rezerv qalyptastyru üşın emes, Ukrainadaǧy soǧys aimaǧyndaǧy adam şyǧynyn tolyqtyru üşın jıberıledı. Basylym baǧalauynşa, Resei äskerınıŋ şyǧyny aiyna 30 myŋ adamnan asuy mümkın ekenın jazdy. Soǧan qaramastan Resei äskerı şabuyl qarqynyn aitarlyqtai arttyra almaǧan.
Financial Times mälımetınşe, Resei aimaqtarynda kelısımşart boiynşa äskeri qyzmetke adam tartu üşın türlı täsılder qoldanylyp jatyr. Olardyŋ qatarynda er adamdardy köşede ūstau, jūmys oryndaryna tekseru jürgızu, şeneunıkterdıŋ azamattarǧa baruy jäne bereşegı bar adamdardy äskerge tartu äreketterı bar. Būǧan qosa şartty türde sottalǧandar men jaqynda merzımdı äskeri qyzmetın aiaqtaǧan azamattardy kelısımşartqa qol qoiuǧa ügıtteu jūmystary jürgızıletını aitylǧan.
Basylym Penza qalasynda polisiia qyzmetkerlerı jūmys oryndary men köşelerde reid jürgızıp, azamattardy äskeri komissariattarǧa jetkızgen jaǧdailardy keltırdı. Ūqsas şaralar Reseidıŋ basqa öŋırlerınde de bolǧany habarlandy.
