Fransiia bilıgı Reseidıŋ mūnaiynan bas tartqannan keiın Bırıkken arab ämırlıkterımen kelıssözderdı bastady. Osylaişa fransuzdar özderıne qajettı mūnai men dizel otynyn BÄA-dan tasymaldaudy közdep otyr. Fransiianyŋ būl baǧyttaǧy jūmystaryn Bloomberg agenttıgıne Fransiianyŋ Qarjy ministrı Bruno Le Mer aitty, dep habarlaidy “Adyrna” ūlttyq portaly.
Öz kezegınde qarjy salasyna jauapty şeneunık aldaǧy uaqytta taza energetikany damytuǧa da qomaqty investisiia salynyp, jel men teŋız tolqynynan quat közın öndıretın nysandardyŋ qūrylysy bastalatynyn alǧa tartqan.
“Qazırgı taŋda Fransiiaǧa Reseiden keletın gaz ben dizel otynynyŋ balama közderın qarastyryp jatyrmyz. Būl rette Bırıkken arab ämırlıkterımen jūmys ıstemek oiymyz bar. Būl baǧyttaǧy kelıssözder jürude”, – dedı Le Mer.
Faransiia prezidentı Emmanuel Makron EuroOdaq jyl aiaǧyna deiın Reseiden tasymaldanatyn mūnaidy 92%-ǧa qysqartudy közdep otyrǧanyn aitty. Ol aldaǧy uaqytta Reseidıŋ gazyna da embargo jariialanuy mümkın ekenın tılge tiek ettı.
EuroOdaq elderınıŋ Resei mūnaiyna salǧan şekteuınen keiın Kreml mūnaidan tüsetın 22 mlrd dollar tabysynan aiyryluy mümkın.
“Adyrna” ūlttyq portaly
