Qazaqstanda 2-4-synyp oquşylary üşın bölım boiynşa jiyntyq baǧalau (BJB) jäne toqsandyq jiyntyq baǧalaudy (TJB) alyp tastau ūsynyldy, dep habarlaidy "Adyrna" ūlttyq portaly.
Tiıstı özgerıster oqu-aǧartu ministrınıŋ būiryq jobasynda qarastyrylǧan. Qūjat «Aşyq NQA» portalynda jariialanyp, 21 tamyzǧa deiın qoǧamdyq talqylauǧa şyǧaryldy.
Būiryq jobasyna säikes, 2-4-synyp oquşylarynyŋ oqu jetıstıkterın baǧalau qalyptastyruşy baǧalau, taqyryptyq jäne qorytyndy baqylau arqyly jürgızıledı. Olardyŋ nätijelerı toqsandyq baǧa qoiu kezınde eskerıledı.
Qoldanystaǧy talaptarǧa säikes, bastauyş synyp oquşylarynyŋ bılımı diktant, mazmūndama, baqylau, praktikalyq jäne şyǧarmaşylyq jūmystar arqyly tekserıledı.
Al 5-11 (12)-synyptarda baǧalau jüiesın özgertu josparlanbaǧan. Būl synyptarda BJB men TJB būrynǧy tärtıppen saqtalady. 1-synyp oquşylaryna baǧa qoiylmaidy.
Oqu-aǧartu ministrlıgınıŋ mälımetınşe, bastama ata-analar men pedagogterdıŋ ūsynystary negızınde äzırlengen. Ybyrai Altynsarin atyndaǧy Ūlttyq bılım akademiiasymen bırlesıp jürgızılgen taldau barysynda BJB men TJB bastauyş synyp oquşylarynyŋ oqu jetıstıkterın tolyq körsete almaityny anyqtalǧan.
Sonymen qatar jiyntyq baǧalaulardyŋ oquşylarǧa qosymşa oqu jäne psihologiialyq jükteme tüsıretını eskerılgen.
Būiryq jobasy qoǧamdyq talqylau aiaqtalǧannan keiın belgılengen tärtıppen qaralady.
