AQŞ prezidentı Donald Tramp İranmen kelıssözder düisenbı künı tüsten keiın bastalatynyn mälımdedı. Būl turaly Reuters jazdy, dep habarlaidy «Adyrna» tılşısı.
«Qazır bız kelıssözder formatynda dialog jürgızıp jatyrmyz. Olar erteŋ bastalady», – dedı Tramp 2 tamyzda.
AQŞ prezidentı kezdesuge kımderdıŋ qatysatynyn jäne onyŋ qai jerde ötetının naqtylamady. Alaida Tramp Ormūz būǧazy mäselesı boiynşa kelısım äzırlenıp jatqanyn, al odan keiın İrandy iadrolyq qarusyzdandyru jönındegı kelısımge qol jetkızıluı mümkın ekenın aitty.
Aq üi basşysy İranǧa kezektı soqqy jasaudan nege bas tartqanyn da tüsındırdı.
«Saud Arabiiasy, Bırıkken Arab Ämırlıkterı, Qatar jäne İran ötınış jasady… Bız qalaǧan kez kelgen sätte äreket etuge daiynbyz», – dedı ol.
Eske salaiyq, mausym aiynyŋ soŋynda AQŞ pen İran beibıtşılık turaly memorandumǧa qol qoiǧan edı. Alaida şılde aiynyŋ basynda Tramp bıtımnıŋ aiaqtalǧanyn mälımdedı. Osydan keiın ekı el bır-bırıne qarsy şabuyldaryn qaita jalǧastyrdy.
