Äzerbaijan soty täuelsız Toplum TV redaksiiasynyŋ toǧyz jurnalisıne ükım şyǧardy, dep habarlaidy “Adyrna” ūlttyq portaly.
Jergılıktı BAQ deregınşe, olardyŋ arasynda BAQ-tyŋ negızın qalauşylar Akif Gurbanov pen Ruslan İzzetli 15 jylǧa bas bostandyǧynan aiyryldy.
Sonymen qatar video redaktor Muşfig Djabbarov, joba üilestıruşılerı İlkin Amrahov pen Ramil Babaev 13 jyldan, jurnalisterdı oqytqan Ali Zeinalov pen media zaŋgerı, Toplum TV negızın qalauşy Alesker Mamedli 14 jyldan, tılşı Farid İsmailov pen SMM-menedjer Elmir Abbasov 12 jyldan türme jazasyn aldy.
Toplum TV Äzerbaijandaǧy ministrlıkterdegı jemqorlyq, el ekonomikasynyŋ jai-küiı, senzura jäne äleumettık mäseleler turaly zertteu materialdarymen tanymal. 2024 jyldyŋ nauryzynda polisiia redaksiia keŋsesıne tıntu jürgızıp, qyzmetkerlerdıŋ basym bölıgın qamauǧa alǧan edı.
Jurnalisterge şeteldık qarjylandyruǧa qatysty zaŋ negızınde aldymen aqşa kontrabandasy boiynşa, keiın zaŋsyz käsıpkerlık, qarjy jymqyru, salyqtan jaltaru jäne qūjattardy qoldan jasau baptary boiynşa aiyp taǧyldy.
Al Europa Keŋesı Parlamenttık assambleiasy būl ıstı «Äzerbaijandaǧy syni pıkırlerdı tūnşyqtyru äreketı» dep baǧalaǧan.
