Almatyda Orda.kz aqparat agenttıgınıŋ jurnalisterı eks-prezident Nūrsūltan Nazarbaevtyŋ otbasy tūratyn rezidensiia maŋynda tüsırılım jürgızu kezınde ūstaldy, dep habarlaidy “Adyrna” ūlttyq portaly basylymǧa sıltep.
Oqiǧa Dulati köşesınde oryn alǧan. Jurnalister Qazaqstannyŋ tūŋǧyş prezidentı Nūrsūltan Nazarbaevtyŋ jary Sara Nazarbaevanyŋ jaǧdaiyna qatysty taraǧan qauesetter aiasynda rezidensiia maŋynda käsıbi qyzmetın atqaryp jürgen. Basylym mälımetınşe, polisiia qyzmetkerlerı tılşılerden tüsırılgen barlyq materialdy joiudy talap etken.
“Jurnalister zaŋ būzǧan joq. Bızdıŋ qyzmetkerlerge käsıbi mındetın oryndauǧa kedergı keltırıp qana qoimai, olardy ūstap äkettı. Qazırge deiın bosatylǧan joq. Būl mäselemen redaksiia ainalysyp jatyr. Polisiia departamentınen resmi tüsınıkteme kütıp otyrmyz”, – dep habarlady Orda.kz redaksiiasy.
BAQ betterınde bırneşe uaqyt būryn taraǧan aqparat boiynşa, ūstalǧan jurnalister qalalyq polisiia basqarmasynan bosatylǧan.
Keşe Almatyda Dulati köşesınde kölık qozǧalysy toqtatylǧan. Äsırese Tūŋǧyş Prezident saiabaǧynyŋ joǧarǧy jaǧyndaǧy rezidensiia maŋynda qauıpsızdık küşeitılgenı aityldy.
Sondai-aq Sain daŋǧyly men oǧan jaqyn ornalasqan bırqatar köşelerde de kölık qozǧalysy şektelgenı habarlanǧan edı.
Ūqsas jaŋalyqtar
