Qazaqstan qūramasy Taşkentte ötken halyqaralyq himiia olimpiadasynda joǧary nätije körsetıp, tört medal ielendı, dep habarlaidy "Adyrna" tılşısı.
Būl turaly oqu-aǧartu ministrlıgı habarlady.
Biylǧy bılım bäigesıne älemnıŋ 90-nan astam elınen 350-den astam daryndy oquşy qatysty. Qazaqstannyŋ ūlttyq qūramasy 100 paiyzdyq nätije körsetıp, komandanyŋ barlyq tört müşesı jüldeger atandy. Qorjynǧa bır altyn jäne üş kümıs medal tüstı.
Altyn medaldı Öskemen qalasyndaǧy Nazarbaev ziiatkerlık mektebınıŋ 11-synyp oquşysy Aizere Jeŋıshanova jeŋıp aldy.
Kümıs jüldenı Almaty qalasyndaǧy №134 liseidıŋ oquşysy Danil Poletaev, Astanadaǧy Nazarbaev ziiatkerlık mektebınıŋ oquşysy Äbılmansūr Qali jäne Spectrum International School mektebınıŋ oquşysy Aŋsar Jaqsylyqov ielendı.
Olimpiada barysynda qatysuşylar bes saǧatqa sozylǧan teoriialyq jäne praktikalyq kezeŋderde kürdelı himiialyq esepterdı şyǧaryp, zerthanalyq jūmystardy oryndady.
