Qazaqstanda jürgızılıp jatqan «Qarasora-2026» respublikalyq jedel-profilaktikalyq ıs-şarasy aiasynda 550 kelıge juyq esırtkı tärkılendı, dep habarlaidy "Adyrna" ūlttyq portaly.
Qūqyq qorǧau organdary qarasora alqaptaryn anyqtau üşın tıkūşaqtar, drondar jäne ǧaryştyq monitoring jüielerın paidalanyp jatyr.
Işkı ıster ministrlıgınıŋ mälımetınşe, operasiia mausym aiynan berı qarasora ösetın öŋırlerde jürgızılude. Is-şaraǧa polisiia qyzmetkerlerımen qatar Ūlttyq ūlan äskeri qyzmetşılerı men qorǧanys ministrlıgınıŋ bölımşelerı jūmyldyrylǧan.
Izdeu jūmystary barysynda zamanaui tehnologiialar keŋınen qoldanyluda. Äsırese Şu öŋırınde drondardyŋ kömegımen jabaiy qarasoranyŋ ondaǧan oşaǧy anyqtalyp, joiylǧan. Sonymen qatar operasiiaǧa kinologtar men qyzmettık itter de tartylǧan. Olar avtojoldarda, temırjol nysandarynda jäne esırtkınıŋ zaŋsyz tasymaldanuy yqtimal baǧyttarda tekseru jūmystaryn jürgızıp keledı.
IIM deregınşe, qyzmettık itterdıŋ kömegımen 90 esırtkı qylmysy anyqtalyp, zaŋsyz ainalymǧa tüsetın esırtkı zattarynyŋ joly kesılgen.
