Astana törınde Ūlytau oblysynyŋ önerpazdary men qolöner şeberlerı öz tuyndylaryn tartu etude.
«Altyn Ordanyŋ mūrasy: Ūly Daladan bastau alǧan öner» taqyrybynda Creative Aimaq hub alaŋynda ötıp jatyr.
Körme aiasynda Ūlytau oblysynan kelgen 60-qa juyq şeber aǧaştan, bylǧarydan, keramika men kiızden jasalǧan qolöner būiymdary, zergerlık äşekeiler, etno-sän toptamalary men qūraq körpelerın paş etude.
Qonaqtar bylǧary öŋdeu, aǧaş oiu, ūlttyq muzykalyq aspaptar jasau, ūstalyq öner siiaqty dästürlı käsıpterdıŋ qyr-syryn tanystyratyn şeberlık sabaqtarna qatysa alady. Sonymen qatar qolönerşı, suretşı jäne dizainerlermen şyǧarmaşylyq kezdesuler ūiymdastyrylyp, ūlttyq önerdıŋ bügıngı damu baǧyttary keŋınen tanystyryluda.
Keşkı baǧdarlamada jezqazǧandyq Jezz Acoustic Band tobynyŋ konsertımen jalǧasady.
Joba otandyq qolöner şeberlerın, dizainerler men suretşılerdı, şyǧarmaşylyq käsıpkerlerdı qoldauǧa, sondai-aq Made in Kazakhstan ūlttyq brendın damytuǧa baǧyttalǧan.
Qazaq Creative Hub alaŋynda ötıp jatqan körmede Ūlytaudyŋ tarihi-mädeni mūrasy zamanaui dizain, qolöner, etno-sän jäne sifrlyq tehnologiialar arqyly tanystyryluda.
Körme barysynda şeberler öz önımderın tanystyryp qana qoimai, basqa öŋırlerden kelgen käsıpkerlermen jaŋa serıktestık bailanystar ornatyp, bolaşaq bırlesken jobalardy talqylap jatyr.
Körmede ūlttyq qolöner būiymdarymen qatar kreativtı industriianyŋ jaŋa baǧyttary da ūsynylǧan. Atap aitqanda, Ūlytaudan kelgen IT salasynyŋ ökılderı öŋırdıŋ tabiǧaty, tarihy men salt-dästürın tanystyratyn sifrlyq jobalar men multimedialyq jūmystaryn köpşılık nazaryna şyǧardy.
Ūiymdastyruşylardyŋ aituynşa, mūndai jobalar öŋırdegı şyǧarmaşylyq industriianyŋ damuyna serpın berıp, qazaqstandyq önımderdı keŋınen nasihattauǧa mümkındık beredı.
