Nur-Sultan qalasynyń turǵyny 2 jasar qyzynyń balabaqshaǵa baryp, soqqyǵa jyǵylǵanyn málimdegen. Turǵynnyń sózinshe, qyzyn tárbıeshi urǵan. Ony ata-ana beıne baqylaý kamerasynan kóripti, dep habarlaıdy “Adyrna” ulttyq portaly Astana arnasyna silteme jasap.
Nur-Sultan qalasynyń turǵyny Marına Aýshenova áli ekige de tolmaǵan qyzyn jekemenshik balabaqshada tárbıeshilerdiń aıaýsyz urǵanyn aıtady. Ádettegideı balasyn baqshaǵa aparǵan ol keshke úıge kelgende "qyzymnyń túrin kórip shoshyp kettim" deıdi.
"Meniń qyzym kishkentaı, ekige de tolmaǵan. Sóıleı de almaıdy. Sol kúni balabaqshadan keshkisin alyp qaıttyq, úıge kelip sheshindirip jatsaq, qolynyń barlyǵy kógergen. Eń qorqynyshtysy moıyny bolatyn", - deıdi balanyń anasy Marına Aýshenova.
Marına quzyrly oryndarǵa shaǵymdanǵan. Qorǵaýshynyń aıtýynsha, is qarqyndy júrip jatqan joq. Qoldarynda dálel retinde beınekamera jazbasy bolsa da, jipsiz baılanyp otyrǵanyn aıtady.
"Sot aldy qaǵaz jazdyryp aldy. Sotqa deıin eshqandaı aqparat taratpaý týraly. Sondyqtan tolyq málimet bere almaı otyrmyz. Biraq is áli toqtap tur. Al biz ol vıdeony jarııalasaq, bizge qatysty qylmystyq is qozǵalady", - deıdi qorǵaýshy Inara Jabaǵybaeva.
Bul jaǵdaı ózge ata-analardy da alańdatyp otyr. Aıtýlarynsha, buǵan deıin balabaqshada osyndaı oqıǵa bolǵan. Irına Nýralınanyń balasynyń birneshe ret erini jyrylyp kelgen. Oǵan asa mán bermegen kórinedi. Irınanyń sózinshe, bul jaǵdaıdan keıin ulyn balabaqshadan shyǵaryp alǵan.
"Men bul jaǵdaıdy estigende aryz jazyp balalarymdy shyǵaryp aldym. Marınanyń qyzynyń fotosýretteri men vıdeolaryn kórip, úndemeı otyra almadym. Sol kúni barlyq ata-anany jınap, akt zalynda jınalys jasadyq. Tárbıeshi ol kezde áli jumys isteıtin, sol kezde ata-analardan keshirim surady", - dep málimdedi ata-analardyń biri Irına Nýralına.
Al mektepke deıingi tárbıe ornynyń dırektorynyń aıtýynsha, tárbıeshige qatań sógis berilgen. Onan keıin jumystan qýylypty.
"Bolǵan oqıǵaǵa baılanysty tárbıeshiden túsiniktime alynyp, hattama toltyryldy. Tárbıeshi qazirgi kezde 52-bap, 4-tarmaǵy boıynsha jumystan qýyldy", - deıdi balabaqsha dırektory Gúlnazym Bestúbaeva.
Sondaı-aq quzyrly organ jábirlenýshiniń aryzy boıynsha qylmystyq is qozǵaǵan
"Jábirlenýshiniń aryzy boıynsha Almaty aýdandyq polıııasymen sotqa deıingi tergep-tekserý amaldary júrgizilýde. Nátıjesi boıynsha proessýaldyq sheshim qabyldanatyn bolady", - dedi Nur-Sultan qalasy Polıııa departamentiniń baspasóz qyzmetiniń jetekshisi Elmıra Sháýlenova.
Balabaqshalardaǵy bylyq azaıar emes.
“Adyrna” ulttyq portaly
