Prezident Qasym-Jomart Toqaev 2026 jylǧy 17 şıldede Bolat Aqşolaqovty Atyrau oblysynyŋ äkımı etıp taǧaiyndady. Resmi aqparat Aqordanyŋ Telegram-arnasynda jariialandy, dep habarlaidy "Adyrna".
"Memleket basşysynyŋ Jarlyǧymen Bolat Oralūly Aqşolaqov Atyrau oblysynyŋ äkımı lauazymyna taǧaiyndaldy", – dep jazylǧan resmi aqparatta.
Esterıŋızge sala ketsek, būǧan deiın būl mındettı Serık Şäpkenov atqarǧan bolatyn. Ol bügın Prezidenttıŋ jarlyǧymen atalǧan qyzmetten bosatyldy.
Bolat Oralūly Aqşolaqov 1971 jyldyŋ 9 säuırınde Gurev qalasynda (qazırgı Atyrau) düniege kelgen. Ol - qazaqstandyq memleket qairatkerı, mūnai-gaz salasynyŋ mamany jäne 2025 jylǧy aqpannan berı KAZENERGY qauymdastyǧynyŋ töraǧasy.
1993 jyly Qazaq memlekettık basqaru akademiiasyn "ekonomist" mamandyǧy boiynşa tämamdaǧan. Sonymen qatar "Jer qoinauyn paidalanu kelısımşarttaryn baǧalau" jäne "Mūnai öndıru ekonomikasy" baǧdarlamalary boiynşa bılım alǧan.
Eŋbek jolyn bank salasynda bastap, keiın "Qazaqoil", "QazMūnaiGaz", "Samūryq-Qazyna" jäne PSA kompaniialarynda qyzmet atqarǧan.
Är jyldary Energetika jäne mineraldyq resurstar vise-ministrı, Mūnai jäne gaz vise-ministrı, sondai-aq Qazaqstannyŋ Energetika vise-ministrı bolyp qyzmet atqarǧan.
2022 jyldyŋ qaŋtarda Qazaqstan Respublikasynyŋ Energetika ministrı bolyp taǧaiyndalyp, būl qyzmettı 2023 jylǧy säuırge deiın atqardy. Keiın Qazaqstan Prezidentınıŋ keŋesşısı bolyp, 2025 jyldyŋ aqpanynan bastap Qazaqstannyŋ mūnai-gaz jäne energetika keşenı ūiymdarynyŋ KAZENERGY qauymdastyǧyn basqardy.
