Atyrau oblysy äkımınıŋ orynbasary Jasūlan Bisembaev aimaqtaǧy ahualǧa baǧa berıp, tūrǧyndarǧa ündeu mälımdeme jasady, dep habarlaidy "Adyrna" ūlttyq portaly.
Bisembaev Qūlsaryda bolyp jatqan jaǧdaidy öte kürdelı dep atady. Jylyoilyqtar tasqyn sumen üşınşı kün qatarynan küresıp jatqanyn jäne zardap şekkenderge barlyq kömek körsetıletının aitty ol:
"Qūrmettı aǧaiyn! Ardaqty Atyraulyqtar! Qūlsaryda bolyp jatqan ahual öte kürdelı.
Jylyoilyqtar tasqyn sumen küreske bel şeşpei 2 apta daiyndalyp, 3 kün boiy qarǧyn sumen kürestı. Bıraq, tılsız jau qalany basyp kettı. Zardap şekken bauyrlarymyzǧa barlyq kömek körsetılude, şyǧyn kölemı de öteledı. Degenmen, Atyrau qalasy da būl taǧdyrdy qaitalauy mümkın. Su basu qaupı Orynbor, Oral qalalarynan kem bolmaidy degen boljam bar" dep jazdy ol.
Sondai-aq, äkımdıktıŋ daiyndyǧyn atap 20 qūrylys kompaniiasy jäne 6 ırı mūnai kompaniialary jaǧdaidy basqaruǧa at salysyp jatqanyn atady Bisembaev:
"Älbette äkımdık daiyndaluda, 5 künnen berı öŋırdıŋ eŋ ülken 20 qūrylys kompaniiasy jäne 6 ırı mūnai kompaniialary jaǧalardy bekıtuge, qorǧau dambalaryn saluǧa jūmyldyryldy. Qajettı materialdardyŋ (qapşyq, küres jäne tb) rezervın daiyndalyp, inerttı zattar jinaqtaldy. Orynbor oblysyndaǧy İrikla su qoimasynan Jaiyqqa jıberılgen su Qazaqstan aumaǧynda Batys Qazaqstan oblysy arqyly Atyrauǧa oblystyŋ İnder, Mahambet audandarynyŋ aumaǧymen aǧyp keledı. İnder audany boiynşa jaǧa bekıtu jūmystaryna 54 arnaiy tehnika, 408 qyzmetker jūmyldyrylǧan. Qazır audanda Jaiyq özenınıŋ jaǧalauyndaǧy qauıptı aumaqtarǧa jalpy ūzyndyǧy 10 km böget soǧyldy. Ol jūmystarǧa 37950 dana qapşyq paidalanyldy. Tasqynǧa qarsy küres jūmystary jalǧasuda. Mahambet audany boiynşa eldı mekenderdıŋ sudan qorǧanu bögetterınıŋ jalpy ūzyndyǧy – 80 kilometr. Jaiyq özenı boiynda ornalasqan 17 eldı mekennıŋ ışınde 9 qorǧanu bögetı osal. Olar Taldyköl, Beibarys, Alǧa, Mahambet, Sarytoǧai, Eskı Saraişyq, Eŋbekşıl, Esbol jäne Ortaqşyl auyldary tūsynda. Tasqynnan qorǧanu üşın 56 myŋ dana qapşyqqa topyraq qaptalyp, özen jaǧalauy bekıtıldı. Būl jūmystarǧa barlyǧy 95 tehnika, 142 qyzmetker, 1300 erıktı jūmyldyryldy" delındı onyŋ mälımdemesınde.
Bisembaev sonymen qatar Jaiyq özenınıŋ qūiar saǧasyndaǧy Atyrau qalasynda barlyǧy 12 aumaqta jaǧa bekıtu jūmystaryn 172 tehnika jüzege asyrylyp jatqanyn, qazır jaǧa bekıtu boiyşa 2 metr biıktıkte jalpy ūzyndyǧy 7 km bögetter salynǧany qosa kettı.
Qazırgı taŋda atalǧan jūmystardy jalpy sany 5 myŋnan astam adam ıske asyruda. Onyŋ ışınde, äkımdıktıŋ jäne Qorǧanys ministrılıgınıŋ, Ūlttyq ūlannyŋ, Tötenşe jaǧdailar, Polisiia departamentterınıŋ ökılderı jūmyldyrylǧan. Sonymen qosa, būl ıske 4 000-ǧa juyq erıktıler toby da üles qosuda.
"Bıraq būl älı de jetkılıksız. Sebebı, bügın Orynbordaǧy İrikla su qoimasy rekordty su kölemın taǧy da jıberdı. Mūndai su kölemı bızdıŋ tarihymyzda bolmaǧan! Sondyqtan el bolyp, bırılıgımızdı körsetıp qalamyzdy apattan aman alyp qaluǧa jūmylaiyq. Bızge är atyraulyqtyŋ kömegı kerek. Barlyǧymyz bır kısıdei Jaiyq jaǧasyn kötereiık. Köp tükırse köl degendei, är azamat bır qapşyq qūmdy jaǧaǧa äkelse, ülken beket bolary sözsız. Bız būl synaqtan bırlık arqyly ǧana şyǧa alamyz! Barşaŋyzdy jaǧa bekıtu jūmystaryna qatysuǧa şaqyramyn!" dep jazdy Jasūlan Bisembaev.
Ūqsas jaŋalyqtar
