25 mausymǧa qaraǧan tünı Venesuelada bolǧan ekı joiqyn jer sılkınısınen qaza tapqandar sany 4 490 adamǧa jettı. Būl turaly eldıŋ Ūlttyq assambleiasynyŋ töraǧasy Horhe Rodriges mälımdedı, dep habarlaidy «Adyrna» tılşısı.
Būǧan deiın resmi derekterde 4 333 adamnyŋ qaza bolǧany habarlanǧan edı. Alaida ızdestıru-qūtqaru jūmystarynyŋ nätijelerı naqtylanǧannan keiın qūrbandar sany ösken.
Bilık mälımetınşe, tabiǧi apat el infraqūrylymyna aitarlyqtai ziian keltırgen. Jalpy sany 856 ǧimarat zaqymdanǧan, onyŋ 190-y tolyqtai qiraǧan.
Sondai-aq negızgı jer asty dümpulerınen keiın mamandar 1 202 afterşokty tırkegen. Būl qūtqaru jūmystaryn qiyndatyp, tūrǧyndar üşın qauıp-qaterdı arttyryp otyr.
Tabiǧi apattyŋ saldaryn joiu jūmystaryna auqymdy küşter tartylǧan. Qūtqaru operasiiasyna tötenşe jaǧdailar qyzmetınıŋ 31 837 qyzmetkerı, 30 myŋnan astam erıktı jäne kömek körsetu üşın kelgen 2 422 şeteldık qūtqaruşy qatysuda.
Eske salaiyq, 24 mausym künı Venesuelanyŋ soltüstıgınde, el astanasy Karakastyŋ batysynda araǧa nebärı 39 sekund salyp magnitudasy 7,2 jäne 7,5 bolatyn ekı jer sılkınısı tırkelgen edı. Būl – soŋǧy 125 jyldaǧy eldegı eŋ quatty jer sılkınısterı.
