"NeMolchi" qorynyŋ negızın qalauşy Dina Taŋsärı ızdestırılıp jatqany aityldy, dep habarlaidy "Adyrna" tılşısı.
Būl aqparat Qūqyqtyq statistika jäne arnaiy esepke alu organdarynyŋ portalynda jariialandy.
Dina Smailova qazır qūqyqtyq statistika jäne arnaiy esepke alu portalyndaǧy qylmystyq ızdestıru bazasyna engızılgen. Ony ızdeu, tıntu jürgızetın organ retınde Öskemen qalalyq ışkı ıster basqarmasy körsetılgen.
6 jeltoqsan künı Dina Taŋsärı degen laqap atpen tanylǧan qazaqstandyq belsendı Dina Smailovaǧa qatysty qylmystyq ıs tergelıp jatqany anyqtaldy. Sotqa deiıngı tergep-tekseru qylmystyq kodekstıŋ 190-babynyŋ 3-bölıgı (Ekı nemese odan da köp adamǧa jasalǧan alaiaqtyq) boiynşa jürgızılude.
Eske sala keteiık, Dina Taŋsärı Qazaqstan bilıgı qudalauda dep aiyptap, halyqaralyq qauymdastyqtan kömek sūraǧan bolatyn.
"27 mamyrda maǧan Almaty qalalyq polisiia departamentı Almaty qalalyq prokuraturasymen bırlese otyryp, qylmystyq kodekstıŋ 147-babynyŋ 5-bölıgı (Jeke ömırge qol sūǧylmauşylyqty būzu), 274-bap (Küdıktı) jäne 274-baptyŋ 2-bölıgı – (Körıneu jalǧan aqparat taratu) baptary boiynşa aiyp taqty", - dep jazdy Dina Taŋsärı.Ötken aida da Dina Smaiylovaǧa qatysty alaiaqtyq ıs tergelude ekenın habarlanǧan.
Ūqsas jaŋalyqtar
