Jas kásipker: Úkimetten isteımin degen adamǵa beriletin múmkindikter óte kóp!

2027
Adyrna.kz Telegram

Qazirgi jahandaný zamanynda úıde otyryp-aq tabys taýyp, balany da tárbıelip, kásipti de dóńgeletip otyrǵan isker qyz-kelinshekter qatary kóbeıip keledi. Batys Qazaqstan oblysy, Báıterek aýdany, Dostyq aýylynda turatyn Gúljaınat Qýanysheva tiginshilik salasyn kásip etip, tabys kózine aınaldyryp otyr. Bes saýsaǵynan bal tamǵan tiginshi "Adyrna" ulttyq portalynyń tilshisine "Bizdiń elimizde súıikti isimen aınalysqysy keletin adamǵa Úkimetten beriletin múmkindikter óte kóp" dep, memleketten qalaı grant utyp, perde tigý bıznesin bastaǵanyn aıtyp berdi. 

"Meniń esimim - Gúljaınat Qýanysheva. Jasym - 28 de. Ózim Aqtóbe oblysynyń týmasymyn. Batys Qazaqstan oblysy, Báıterek aýdany, Dostyq aýylyna kelinmin. Eki balanyń anasymyn. Grant alǵanǵa deıin dekrette otyrǵan ana edim. Byltyr osyndaı grant bolatynyn estip, jergilikti ákimdikke baryp, surastyrǵan bolatynmyn. Aýdanǵa baryp ótinish jazyp, "Bıznes bastaýdyń" 21 kúndik oqýyn onlaın oqyp bitirdim. Sodan soń bıznes-jospar jasadym. Ony tapsyryp, nátıjesin kúttim. Sóıtip byltyr qarasha aıynda "Bıznes-josparyńyz konkýrstan ótti" degen habar kelip, Úkimetten súıikti isim "Perde tigý" bıznesin damytýyma 583 myń 400 teńge qaıtarymsyz grant utyp aldym. Ózim tiginshilikti osydan 2 jyl buryn oqyp, 4 aılyq arnaıy aqyly kýrstan ótip, bitirgen edim. Grantqa tapsyrǵan kezde osy tiginshilik salasyn jalǵastyrýdy jón kórdim", - deıdi kásipker.

 

Bes saýsaǵynan bal tamǵan tiginshiniń qolynan kelmeıtin isi joq.

"Grant almas buryn men úıde ózimniń kishkentaı turmystyq tigin mashınammem kıimderdi jóndep, usaq-túıek zattardy tigýmen aınalysyp júrgen bolatynmyn. Grant týraly estigennen keıin tiginshilikti ary jalǵastyryp, súıikti kásibimdi damytamyn dep sheshtim. Granttyq qarajatqa óndiristik overlok, tigin mashınasyn,  mashınasyn, bý shyǵaratyn útek aldym. Iaǵnı "Perde tigý" bıznesine qajet basty zattardy satyp aldym. Qazirgi tańda úıden jumys jasap otyrmyn. Qarasha aıynan beri tapsyrys berýshilerdiń sany artyp, tabysym da aqyryndap ósip keledi. Kórshi-qolań, aýyldastarym, týǵan-týysqandarymnyń qajettilikterin shama-sharqymsha ótep otqan jaıym bar. Tapsyrysqa perde, ár túrli kórpe tystaryn tigemin, kórpesheler qaptaımyn. Sondaı-aq balalarǵa, áıel adamdarǵa kájekeı, taqııa tigemin. Táı-táı joldardy tigemin. Sol sııaqty t.b. ózimniń tigin mashınammen tige alatyn, qolymnan keletin zattardy tigip otyrmyn", -deıdi Gúljaınat Qýanysheva. 

Tiginshige aýyl turǵyndarynan, qala syrtynan da arnaıy tapsyrys beretinder kóp.

"Aýylymyz Oral qalasynan 15 shaqyrymdyq jerde ornalasqan. Qatty alys emes. Sondyqtan men tek aýyl ishinen ǵana emes, sondaı-aq Oral qalasynan da tapsyrystar alamyn. Áleýmettik jelilerdi de utymdy paıdalanyp, aýyldaǵy jarnamalyq paraqshalardyń kómegimen kásibimdi keńinen nasıhattap, jarnama jasap, tapsyrys alyp otyrmyn. Ózim sııaqty qyz-kelinshikterge, analarǵa berer keńesim: úıde otyrýmen shektelip qana qoımaı, sonymen qatar ózderińizge unamdy, súıikti isterińiz bolsa, ony bastaýǵa ne bolmasa ári qaraı jalǵastyrýǵa, dóńgeletip alyp ketýge óte kóp múmkindikter bar. Eń bastysy tabys taýyp, úıde otyrýmen shektelmese eken deımin. Óıtkeni, ózim de buryn balamen úıde otyryp, jumys isteýge bolatynyna senbeıtin edim. Qazir endi úıden jumys istep, armanymdy iske asyryp otqan jaıymyz bar. Eń bastysy, jaqsy nıet etip, durys bıznes-jospar qursańyzdar, bári de múmkin. Úkimetten isteımin degen adamǵa beriletin múmkindikter óte kóp. Aldyma qoıyp otqan maqsatym, armanymnyń biri - osy kásibimdi perde ehy retinde úlkeıtip ashqym keledi. Sol úshin aldaǵy ýaqyttarda Úkimetke iri kólemdi granttarǵa taǵy bir márte tapsyryp, ótinish berýge nıettenip otyrmyn", - deıdi jas kásipker.

 

Áńgimelesken Zarına ÁShIRBEK,

"Adyrna" ulttyq portaly

Pikirler