"Neǧūrlym qataŋ jaza". Prokuror Gülmira Satybaldyny segız jylǧa bas bostandyǧynan aiyrudy sūrady

Astanada Gülmira Satybaldynyŋ ısı boiynşa kezektı sot otyrysy öttı. Istı qarau barysynda prokuror aiyptaluşyny segız jylǧa bas bostandyǧynan aiyrudy sūrap, neǧūrlym qataŋ jaŋa taǧaiyndaudy alǧa tartty, dep habarlaidy "Adyrna" ūlttyq portaly.

Prokuror Azamat Särsembaev qylmystyq kodekstıŋ bırneşe babyn tızbektep, Gülmira Satybaldyny neǧūrlym qataŋ jaza negızınde bas bostandyǧynan aiyrudy sūrady.

- Gülmira Satybaldyny qylmystyq kodekstıŋ 389-baby 4-bölıgı, 28-baby 3-bölıgı jäne 125-baby 2-bölıgı 1,8-tarmaǧynda qaralǧan qylmystyq qūqyq būzuşylyq jasaǧany üşın kınälı dep tanudy sūraimyn. Qylmystyq kodekstıŋ 389-baby 4-bölıgı boiynşa – alty jylǧa bas bostandyǧynan aiyru, 28-baptyŋ 3-bölıgı jäne 125-baptyŋ 2-bölıgı 1,8-tarmaǧy boiynşa – mülkınen aiyrusyz segız jylǧa bas bostandyǧynan aiyru taǧaiyndalsyn. Qylmystyq kodekstıŋ 58-baby 3-bölıgınıŋ negızınde neǧūrlym qataŋ jaza, iaǧni Satybaldynyŋ mülkın tärkıleusız segız jylǧa bas bostandyǧynan aiyru taǧaiyndalsyn, — dedı prokuror Azamat Särsembaev.

Sonymen qatar prokuror Gülmira Satybaldy jazasyn qauıpsızdıgı ortaşa deŋgeidegı abaqtyda öteuın sūrady. Eske sala keteiık, eks-prezident Nūrsūltan Nazarbaevtyŋ nemere ınısı Qairat Satybaldynyŋ būrynǧy äielı Gülmira Satybaldy Universiada-2017 nysandaryn jöndeuge baǧyttalǧan qarjyny ielenıp, biznestı basyp alu jäne zaŋsyz bas bostandyǧynan aiyrudyŋ basqa epizodtary boiynşa tergeuge alynǧan edı. Jäbırlenuşılerge keltırılgen zalaldyŋ aldyn ala somasy 6,6 milliard teŋgeden asady. Qairat Satybaldy 13 nauryz künı, onyŋ būrynǧy äielı 17 nauryzda qamauǧa alyndy. 21 säuır küngı sūraq-jauap satysynda Satybaldy taǧylǧan aiyptyŋ bırqataryn moiyndady. Degenmen sot qazysynyŋ qyzmetıne qarsylyq tanytty. Gülmira Satybaldynyŋ jaqtastary sot qazysy Kemeŋger İmaşevtıŋ qūqyqtyq ürdıstı jüzege asyru men beitaryptyq tanytuǧa jaǧdai jasamady dep aiyptaidy.

"Adyrna" ūlttyq portaly