Bügın Qyzylorda oblysynyŋ äkımı Mūrat Ergeşbaevtyŋ töraǧalyǧymen ötken mäjılıste Memleket basşysynyŋ saiasi-ekonomikalyq reformalaryn ıske asyru jönındegı tapsyrmalarynyŋ oryndalu barysy qaraldy.
«Jaŋa Konstitusiiada aiqyndalǧan qaǧidattar memlekettık bilıktıŋ barlyq tarmaǧynyŋ qyzmetıne tyŋ serpın beredı. Memlekettık basqarudyŋ basty ölşemı halyqqa adal qyzmet etu, zaŋ talaptaryn mültıksız saqtau boluy tiıs.
Jaŋa saiasi kezeŋ bızge ülken jauapkerşılık jükteidı. Bızdıŋ mındetımız – jaŋa Konstitusiianyŋ qaǧidattaryn halyqtyŋ kündelıktı ömırınde naqty nätije beretın tiımdı memlekettık saiasatqa ainaldyru. Syr öŋırınde de jaŋa saiasi reformalardyŋ talaptaryna säikes keşendı jūmystar jürgızıluı qajet», – dedı Mūrat Nälqojaūly.
Künı keşe Memleket basşysy Parlament palatalarynyŋ bırlesken otyrysynda saiasi-ekonomikalyq reformalardyŋ, auqymdy özgerısterdıŋ jaŋa kezeŋıne arnalǧan tapsyrmalar jüktegenı belgılı.
Mäjılıste barlyq sala basşylary osy mındetterdı oryndauda atqarylatyn ısterdıŋ basty baǧdary turaly baiandady.
Jiynda oblystyq qūrylys, säulet jäne qala qūrylysy basqarmasynyŋ basşysy Erlan Töräliev Memleket basşysynyŋ Qazaqstandy ülken qūrylys alaŋyna ainaldyru tapsyrmasy öŋırdıŋ qūrylys salasynyŋ odan ärı örkendeuıne oŋ äserın tigızetının atap öttı.
Eske salsaq, 2022 jyly qūrylys salasyna memlekettık biudjet esebınen 24,3 mlrd. teŋge, 2025 jyly 138,3 mlrd. teŋge bölınıp, qarjy kölemı 6 ese ösken. Jalpy osy jyldar aralyǧynda 272 äleumettık nysan jäne 1016 tūrǧyn üi paidalanuǧa berıldı.
Biyl jyl soŋyna deiın tabystalatyn 3 685 päter 15 myŋǧa juyq tūrǧynnyŋ baspana mäselesın şeşedı.
Oblystyq bılım basqarmasynyŋ basşysy Asqarbek Esjanov Memleket basşysy, Ükımet, oblys äkımdıgı belgılegen baǧyttardy ıske asyruda mektepke deiıngı tärbieden bastap, jalpy orta, tehnikalyq jäne käsıptık bılımge deiıngı barlyq deŋgeide sapany arttyruǧa basymdyq berıletının atap öttı.
Basqarma basşysy sifrlyq transformasiiany jedeldetu, tehnikalyq jäne käsıptık bılım beru jüiesın eŋbek naryǧynyŋ sūranysyna beiımdeu, tärbie jūmysyn jaŋa mazmūnda küşeitu üşın atqarylatyn jūmys baǧytyna da toqtaldy.
Oblystyq käsıpkerlık jäne önerkäsıp basqarmasynyŋ basşysy Möldır Täuıpbaeva keiıngı tört jylda öŋır ekonomikasyna 2,4 trln teŋgege juyq investisiia tartylǧanyn atap öttı. Jüzege asqan 72 industriialyq jobanyŋ qūny 400 mlrd teŋgeden asady.
Aldaǧy üş jylda 1,9 trln. teŋgege 48 investisiialyq joba jüzege asyrylyp, 10 myŋnan asa jaŋa jūmys oryndary aşylady.
Bügınde 14 ırı joba, onyŋ ışınde 4 jobanyŋ qūrylysy jürgızılude jäne 2-euınıŋ kapsulasy salyndy. Jyl soŋyna deiın taǧy 8 jobanyŋ qūrylysy bastalady, 100 mlrd. teŋgenıŋ 21 jobasy josparlanǧan.
«Qyzylorda elektr taratu toraptary» kompaniiasyna elektr jelılerınıŋ tehnikalyq jai-küiın keşendı zerdeleu, materialdyq-tehnikalyq daiyndyqty küşeitu jäne tötenşe jaǧdailardyŋ aldyn alu şaralaryn jetıldıru tapsyryldy. Barlyq jylu közındegı rezervtık elektr stansiialarynyŋ tūraqty ärı üzdıksız jūmysyn qamtamasyz etu mındetı qoiyldy.
Aldaǧy jylu beru mausymyna qajettı kömır qoryn aldyn ala jasaqtau kerek. Osyǧan bailanysty qala jäne audan äkımderıne operatorlarmen, «Qazaqstan Temır Joly» kompaniiasymen özara üilesımdı jūmysty ūiymdastyryp, tūrǧyndardy qatty otynmen qamtamasyz etu tapsyryldy.
Memleket basşysynyŋ tapsyrmasyna säikes «Aksa Enerdji» türık kompaniiasy jaŋa jylu elektr ortalyǧyn saldy. Bügınde ortalyq ıske qosylyp, jobada qaralǧan elektr energiiasyn öndırude. Aldaǧy jylu beru mausymynda tolyq ıske qosylyp, tūrǧyndardy üzdıksız, sapaly jylu jäne elektr energiiasymen qamtamasyz etedı.
Oblysqa jylu beru mausymynda 80 myŋ tonna kömır kerek. Onyŋ 68,3 myŋ tonnasy tūrǧyndar, 11,7 myŋ tonnasy äleumettık nysandar qajettılıgı kestege säikes qor jasaqtaluda. Öŋırdegı elektr jelılerı men qondyrǧylarynyŋ tozu deŋgeiı 60,8%, biyl qaita jaŋǧyrtuǧa 10,5 mlrd.teŋge qarjy josparlanǧan.
Būl jūmystardan keiın tozǧan jelıler 59 paiyzǧa azaiady. Jalpy aldaǧy jylu beru mausymyna daiyndyq tūraqty baqylauda.
Ūqsas jaŋalyqtar
