Memleket basşysy Qasym-Jomart Toqaev «Qazaqstan Respublikasynyŋ jaŋa Konstitusiiasynyŋ qabyldanuyna bailanysty raqymşylyq jasau turaly» Qazaqstan Respublikasynyŋ Zaŋyna qol qoidy. Būl turaly bügın, 1 şıldede Aqordanyŋ baspasöz qyzmetı jazdy, dep habarlaidy «Adyrna» tılşısı.
«Qoǧamǧa qauıp töndırmeitın, adamdardyŋ ömırıne, qoǧamdyq qauıpsızdıkke jäne zaŋmen qorǧalatyn qoǧam men memlekettıŋ özge de maŋyzdy müddelerıne ziian keltırumen bailanysty emes qylmystyq jäne äkımşılık qūqyq būzuşylyq jasaǧan adamdarǧa raqymşylyq jasalady», – dep tüsındırdı Işkı ıster ministrlıgı.
Zaŋǧa säikes, qylmystyq terıs qylyqtar men auyrlyǧy ortaşa qylmystar jasaǧan adamdar qylmystyq jauaptylyqtan nemese negızgı jazadan bosatylady. Sondai-aq zaŋ bırqatar sottalǧanǧa jasaǧan qylmysynyŋ auyrlyǧyn, keltırılgen zalaldy öteuın jäne tüzeu mekemesındegı mınez-qūlqyn eskere otyryp, jazanyŋ ötelmegen bölıgın qysqartudy da qarastyrady.
Aldyn ala esep boiynşa, 16,5 myŋnan astam adam jaŋa ömır bastauǧa mümkındık alady. Olardyŋ ışınde şamamen 2 900 äiel bar, sonyŋ ışınde jüktı äielder men kämeletke tolmaǧan balalardy tärbielep otyrǧan analar da qamtylǧan.
Al ömır boiyna bas bostandyǧynan aiyrylǧandar men syrttai sottalǧandar raqymşylyqqa ılıkpeidı.
Odan bölek, el tarihynda alǧaş ret äkımşılık raqymşylyq jürgızıledı. Zaŋǧa säikes, azamattar, jeke käsıpkerler jäne jeke praktikamen ainalysatyn tūlǧalar zaŋ küşıne engen künge deiın oryndalmaǧan äkımşılık aiyppūldardy töleuden bosatylady. Tek ışkı ıster organdary qaraityn qūqyq būzuşylyqtar boiynşa ǧana jalpy somasy 17 milliard teŋgeden asatyn şamamen 1 million aiyppūl raqymşylyqqa ılınbek.
Äkımşılık raqymşylyq eŋ öreskel qūqyq būzuşylyq jasaǧan adamdarǧa qoldanylmaidy. Olardyŋ qatarynda qaru men esırtkınıŋ zaŋsyz ainalymyna qatysy barlar, jol qozǧalysy erejelerın öreskel būzǧandar (mas küiınde kölık jürgızu, qarsy jolaqqa şyǧu jäne jürgızuşı kuälıgınen aiyruǧa äkelgen basqa da būzuşylyqtar), sondai-aq qūqyq būzuşylyqty qaitalap jasaǧan azamattar bar.
Ministrlık ökılderı qylmystyq ta, äkımşılık te raqymşylyqtyŋ bır rettık sipatqa ie ekenın atap öttı. Eger raqymşylyq jasalǧan adam qaitadan qūqyq būzuşylyq jasasa, ol jalpy tärtıppen jauapkerşılıkke tartylady.
