Memleket basşysy Qasym-Jomart Toqaev Resei Federasiiasy ükımetı töraǧasynyŋ bırınşı orynbasary Denis Manturovty qabyldady. Būl turaly bügın, 10 qaraşada Aqordanyŋ baspasöz qyzmetı jazdy, dep habarlaidy «Adyrna» tılşısı.
Kezdesude Qazaqstan prezidentınıŋ Mäskeuge jasaityn memlekettık sapary aiasynda qaralatyn köpjosparly yntymaqtastyqtyŋ basty baǧyttary talqylandy.
Qasym-Jomart Toqaev aldaǧy saparǧa erekşe män berıp otyrǧanyn jäne kelıssözderdıŋ tabysty ötetınıne senımdı ekenın jetkızdı.
Memleket basşysy ekı el ükımetterınıŋ belsendı ärı üilesımdı jūmysynyŋ arqasynda Resei Qazaqstannyŋ jetekşı sauda-ekonomikalyq serıktesterınıŋ bırı bolyp qala beretınıne toqtaldy.
Qasym-Jomart Toqaev prezident Vladimir Putinmen ekıjaqty tauar ainalymynyŋ kölemın taiau arada 30 milliard dollarǧa deiın arttyru jönındegı uaǧdalastyqqa qol jetkızılgenın eske saldy.
Prezident Resei Federasiiasy Qazaqstan ekonomikasyna qarjy salǧan jetekşı investorlardyŋ bırı bolyp otyrǧanyna nazar audardy. Byltyr jalpy investisiia kölemı 4 milliard dollarǧa jettı.
Memleket basşysy elımızde köptegen reseilık kompaniia jemıstı jūmys ıstep jatqanyn mälımdedı. Būl ekı el arasyndaǧy özara senımnıŋ joǧary deŋgeiın körsetedı.
Denis Manturov qonaqjailyq tanytqany üşın Qasym-Jomart Toqaevqa rizaşylyq bıldırıp, reseilık taraptyŋ ekıjaqty bailanystardy odan ärı keŋeituge daiyn ekenın rastady.
Memleket basşysy ekı el arasyndaǧy dostyq pen yntymaqtastyqty nyǧaituǧa, sondai-aq äleumettık-ekonomikalyq jäne mädeni qarym-qatynastardy damytuǧa eleulı üles qosqany üşın Denis Manturovty I därejelı «Dostyq» ordenımen marapattady.
