Qytai astanasy Beijıŋdegı eŋ biık ǧimarat – CITIC Tower keşenıne şaǧyn ūşaq soǧyldy, dep habarlaidy "Adyrna" ūlttyq portaly.
Oqiǧa 26 mausym künı tüskı uaqytta bolǧan.
Aldyn ala mälımet boiynşa, 109 qabatty, biıktıgı 528 metr bolatyn ǧimaratqa Sunward SA60L Aurora markaly jeŋıl sporttyq ūşaq soǧylǧan. Oqiǧa kuägerlerı tüsırgen beinejazbalarda ūşaq synyqtarynyŋ jerge qūlap jatqanyn köruge bolady.
Oqiǧadan keiın ǧimarattan adamdar şūǧyl evakuasiialanyp, aumaqqa ört söndıru qyzmetı, polisiia jäne jedel järdem brigadalary jūmyldyryldy. Soqqy saldarynan köşege ǧimarattyŋ qaptama bölıkterı men ūşaqtyŋ bölşekterı qūlaǧan. Kuägerlerdıŋ aituynşa, basynan jaraqat alǧan äiel jedel järdem kölıgımen auruhanaǧa jetkızılgen.
Polisiia oqiǧa ornyna baratyn joldardyŋ bır bölıgın jauyp, aumaqqa kırudı şektedı. Sondai-aq tärtıp saqşylary ötıp bara jatqan adamdarǧa oqiǧa ornynda foto jäne video tüsıruge rūqsat bermei jatyr.
Qazırgı uaqytta oqiǧanyŋ naqty sebepterı men zardaptary anyqtalyp jatyr.
