İran soŋǧy ekı aida alǧaş ret mūnai eksportyn qaita bastady. Būl turaly bügın, 17 mausymda CNN telearnasy aitty, dep habarlaidy «Adyrna» tılşısı.
Teŋız tasymaldaryn baqylaityn TankerTrackers taldau kompaniiasynyŋ mälımetınşe, irandyq tankerler mūnaidyŋ ekı partiiasyn sättı eksporttap ülgergen.
Sputniktık surettermen rastalǧan derekterge säikes, İrannyŋ memlekettık tanker kompaniiasyna tiesılı ekı supertanker şamamen 3,8 million barrel mūnai tasymaldaǧan.
Kpler deregınşe, tankerler AQŞ äskeri-teŋız küşterı ornalasqan aimaq arqyly kedergısız ötken. Būǧan deiın İrannyŋ Fars agenttıgı de irandyq kemelerdıŋ Ormūz būǧazyndaǧy AQŞ blokadasy aimaǧynan ötkenın habarlaǧan edı.
Eske salaiyq, 15 mausymda AQŞ prezidentı Donald Tramp İranmen kelısımge qol qoiylǧanyn jäne Ormūz būǧazynda keme qatynasy ışınara qalpyna keltırılgenın mälımdegen edı. Onyŋ aituynşa, būǧaz tolyqtai 19 mausymda aşylady dep kütılude. Tramp sondai-aq būǧazdyŋ qazırdıŋ özınde ışınara aşylǧanyn, keme qozǧalysy bırtındep jandanyp jatqanyn aitqan.
Būǧan deiın İran AQŞ-pen kelıssözderdı jalǧastyru kezeŋınde 60 kündık jeŋıldık merzımın bergenı habarlanǧan. Osy uaqyt aralyǧynda Tegeran būǧaz arqyly qauıpsız ötu üşın aqy almaidy. Jobaǧa säikes, teŋız tasymaldaryn basqarudaǧy ökılettıkter İran men Oman arasynda qaita bölınedı, al ötpelı kezeŋ aiaqtalǧan soŋ İran tiıstı tölemderdı alu qūqyǧyna ie bolady.
Sonymen qatar beibıt kelısım jobasyna atysty toqtatu, keme qatynasyna qoiylǧan şekteulerdı alyp tastau, Ormūz būǧazynyŋ jūmysyn tolyq qalpyna keltıru, sanksiialardy joiu jäne İran aktivterın būǧattan şyǧaruǧa qatysty tarmaqtar engızılgen.
