Astanada sársenbi, 22 qarasha kúni tańǵy ýaqyttan beri 40 jol-kólik apaty oryn alǵan. Bul týraly Astana qalasynyń Polıııa departamenti málim etti, dep habarlaıdy "Adyrna" saıty.
Polıııa departamenti elordada aýa-raıynyń buzylýyna baılanysty jolaýshylardy saq bolýǵa jáne jolda muqııat júrýge shaqyrdy.
«Jol qozǵalysy erejelerin, jyldamdyq rejımin, qaýipsiz qashyqtyqty, manevr erejelerin jáne búıirlik aralyqty qatań saqtańyzdar. Kólik júrgizýshileri shuǵyl manevrler men tejeý jasaýdan bas tartýy qajet. Sondaı-aq, rýlde gadjetterdi paıdalanbańyzdar. Jol erejelerin elemeý, atap aıtqanda jyldamdyq rejımin saqtamaý qaıǵyly saldarǵa ákelýi múmkin. Kúndizgi jaryq azaıǵanda qaýip arta túsedi. Jańbyrly aýa-raıynda kóriný shekteýli bolatynyn eske salamyz», - dep jazdy Polıııa departamenti Instagram jelisinde.
Aıta keteıik, jańbyr, daýyldy jel men kóktaıǵaqqa baılanysty Astanadan shyǵatyn barlyq joldar jabyldy.
