Aqmola oblysynda kreativtı industriiany damytu baǧytyndaǧy jūmystar jüielı türde jalǧasyp keledı, dep habarlaidy "Adyrna" ūlttyq portaly.
13 mausym künı Astanada «Creative Aimaq» jobasy aiasynda Aqmola oblysynyŋ kreativtı järmeŋkesı ūiymdastyrylyp, öŋırdıŋ şyǧarmaşylyq äleuetı men ūlttyq qolönerı köpşılık nazaryna ūsynyldy. Is-şarada Premer-ministrınıŋ orynbasary – mädeniet jäne aqparat ministrı Aida Balaeva men Aqmola oblysynyŋ äkımı Marat Ahmetjanovqa jergılıktı şeberlerdıŋ tuyndylary, zamanaui dizainerlık jobalar men sifrlyq bastamalar tanystyryldy.
Memleket basşysynyŋ kreativtı ekonomikany qoldau, ärbır oblys ortalyǧy men ırı qalalarda kreativtı industriia ortalyqtaryn qūru jäne şyǧarmaşylyq jobalardy kommersiialandyru jönındegı tapsyrmasyna säikes öŋırde öner, mädeniet pen qolönerdı damytuǧa arnalǧan keşendı bastamalar jüzege asyryluda.
Aqmola oblysynda kreativtı industriianyŋ bes basym baǧyty aiqyndalǧan. Olar – zergerlık öner, mädeni mūra, muzyka, säulet pen sän industriiasy, sondai-aq halyqtyq qolöner. Osy salalarda eŋbek etıp jürgen şeberlerdıŋ tuyndylary respublikalyq jäne halyqaralyq körmelerde keŋınen tanystyrylyp keledı. Öŋırdıŋ mädeni äleuetın 47 kielı nysan tolyqtyrady. Olardyŋ qatarynda Abylai han alaŋy, Zerendı auylyndaǧy köbelekter muzeiı jäne tarihi-mädeni maŋyzy bar özge de oryndar bar. Būl nysandar aimaqtyŋ turistık jäne mädeni brendıne ainalyp keledı.
Muzykalyq baǧytta ūlttyq aspap jasauşylardyŋ eŋbegı erekşe baǧalanady. Şeberler dombyra, qobyz jäne özge de dästürlı aspaptardy jasap, qazaqtyŋ muzykalyq mūrasyn saqtauǧa üles qosyp jür. Al säulet jäne sän industriiasynda ūlttyq naqyş pen zamanaui dizaindy üilestıretın şyǧarmaşylyq jobalar jüzege asyryluda.
Aqmola oblysynda ädebiet pen önerdı damytuǧa da erekşe köŋıl bölınedı. Öŋırde Ädebiet jäne öner muzeiı jūmys ısteidı, oblystyq kıtaphana janynan jas qalamgerlerdıŋ «Jas tūlpar» kluby qūrylǧan. Sonymen qatar inkliuzivtı festivalder, şyǧarmaşylyq baiqaular men teatr jobalary tūraqty türde ötkızılıp keledı.
Halyqtyq qolöner de qarqyndy damyp keledı. Bügınde oblysta 300-den astam qolönerşı eŋbek etedı. Olar süiek pen aǧaş oiu, kiız basu, ūlttyq kiım tıgu, zergerlık būiymdar jasau jäne sändık-qoldanbaly önerdıŋ basqa da türlerımen ainalysady. Tek Kökşetau qalasynyŋ özınde ondaǧan käsıbi suretşı şyǧarmaşylyqpen şūǧyldanady.
Aqmola oblysynda 3 myŋnan astam kreativtı industriia subektısı tırkelgen. Olardy qoldau maqsatynda körmeler, järmeŋkeler, forumdar, festivalder men şeberlık sabaqtary ūiymdastyrylyp, avtorlyq brendterdı damytuǧa jäne önımderdı naryqqa şyǧaruǧa mümkındık jasaluda.
Öz önımın brendke ainaldyrǧandardyŋ bırı - Gülnar Orynbaeva. Dizainer kiızden türlı qamzol men oramal, qalpaq basady. Oǧan būl öner äjesınen daryǧan. Bügınde zeinetke şyqqan dizainer būl käsıbımen 10 jyldan berı ainalysyp, tūraqty tūtynuşylaryn qalyptastyrǧan.
Odan bölek, öŋırde 15 kreativtı industriia ortalyǧy jūmys ısteidı. Būl alaŋdar şyǧarmaşylyq bastamalardy qoldap, jastardyŋ käsıbi daǧdylaryn damytuǧa jäne mädeni qauymdastyq ökılderınıŋ özara täjıribe almasuyna jaǧdai jasap otyr. Aqmolalyq şeberler V Düniejüzılık köşpendıler oiyndary aiasyndaǧy etnoauyl jūmysyna qatysyp, öŋırdıŋ mädeni äleuetın keŋınen tanystyrdy.
Sondai-aq Nauryznama onkündıgı kezınde ūiymdastyrylatyn «Köşpendıler mūrasy» aşyq alaŋy ūlttyq önerdı nasihattaityn maŋyzdy jobaǧa ainalǧan. Mūnda kiız basu, syrmaq jasau, zergerlık öner, ūlttyq kiım tıgu jäne basqa da dästürlı qolöner türlerı köpşılık nazaryna ūsynylady.
Kreativtı infraqūrylymdy keŋeitu jūmystary da jalǧasuda. Kökşetauda «Saltanat saraiy» bazasynda kreativtı industriia ortalyǧy jūmys ıstese, Qosşy qalasynda halyqaralyq standarttarǧa sai alǧaşqy köpfunksionaldy komiuniti-ortalyq aşylǧan. Onda şyǧarmaşylyq studiialar, körme alaŋdary, kovorkingter, kıtaphana, sport jäne bılım beru keŋıstıkterı ornalasqan. Mūnda aǧaş oiu, bylǧary öŋdeu, muzykalyq aspap jasau, kiız önerı, beineleu önerı jäne zergerlık baǧyttaǧy tanymal şeberlerdıŋ şeberhanalary tegın negızde qyzmet etedı.
Būdan bölek, Jarqaiyŋ, Sandyqtau, Būlandy, Jaqsy jäne Atbasar audandarynda kıtaphanalar janynan kreativtı ortalyqtar aşyluda. Al Zerendı auylynda bolaşaq vizit-ortalyq pen kreativtı industriia haby bolatyn zamanaui muzeidıŋ qūrylysy bastalǧan. Sonymen bırge Burabai audanynda ırı Kongress-ortalyqtyŋ jobalyq qūjattamasy äzırlenıp jatyr.
Öŋırde IT, digital jäne media baǧyttary da belsendı damyp keledı. Körmelerde robototehnika, baǧdarlamalau, kibersport, jasandy intellekt, ūlttyq mädenietke negızdelgen oiyndar, «aqyldy» dombyra, turizmge arnalǧan sifrlyq platformalar jäne injenerlık startaptar tanystyryluda. Būl bastamalar jastardyŋ innovasiialyq äleuetın arttyryp, öŋırdıŋ kreativtı ekonomikasynyŋ jaŋa baǧytyn qalyptastyruǧa yqpal etude.
