Jetısu oblysynda üş ekopark aşu josparlanǧan. Sonyŋ bırı Tekelı qalasynda qūrylady. Osyǧan bailanysty oblys äkımı Beibıt İsabaev qala äkımıne jalpy aumaǧy 21 gektardy qūraityn «Serkesai» ekoparkın qūru jūmystaryn aǧymdaǧy jyly bastaudy tapsyrdy. Būl turaly oblys äkımı Beibıt İsabaevtyŋ Tekelı qalasynyŋ tūrǧyndarymen kezdesuınde aityldy.
"Tekelı qalasynyŋ tabiǧi-rekreasiialyq äleuetı turizmdı damytuǧa zor mümkındık beredı. Prezident tapsyrmalaryn oryndau aiasynda bız tarapymyzdan barlyq qajettı qoldau körsetılude. Atap aitqanda, derbes turizm bölımı aşyldy. Endı osy baǧytta naqty şaralar qabyldanuy tiıs. Zamanaui talaptarǧa sai jaŋa qonaq üiler men demalys oryndaryn salu kerek. Sonymen qatar ekologiialyq turizmdı damytu aiasynda «Serkesai» ekoparkın qūrudyŋ jobalyq-smetalyq qūjattamasyn jäne özge de qajettı qūjattardy äzırlep, biyl bastau kerek. Jalpy, turistık baǧytty jandandyru arqyly qala ekonomikasynyŋ ösımın qamtamasyz etudı tapsyramyn", – degen B. İsabaev Tekelı qalasynyŋ äkımı A. Ädılge turizm salasyn damytu mäselesın jeke baqylauyna aludy mındettedı.
Belgılı bolǧandai, aldyn ala jospar boiynşa ekoparkte fotoaimaq, seruendeu aimaǧy jasalady, oryndyqtar, baǧyttau belgılerı, sanitarlyq toraptar qoiylady jäne basqa da abattandyru jūmystary atqarylady. Būl rette oblys äkımı parktı abattandyruda bıryŋǧai stildıŋ saqtaluyna nazar audaru qajettıgın aitty.
Atap ötsek, bügınde Tekelı qalasynda 22 turistık nysan jūmys ısteidı. Ötken jyly ışkı turizm aiasynda 19,8 myŋ keluşıge jalpy somasy 570 mln teŋgenıŋ turistık qyzmetterı körsetıldı. Al biyl qalaǧa şamamen 24 myŋ turist keledı dep kütılude. Jeke investisiialar esebınen bırneşe ırı joba jüzege asyryluda. Atap aitqanda, 50 kottedjdıŋ qūrylysy bastalyp, saq monşalary, oiyn-sauyq keşenı jäne bırqatar qonaq üiler paidalanuǧa berıldı. Sonymen qatar qosymşa joba aiasynda glempingter men demalys aimaqtaryn ornalastyru közdelıp otyr.
