Timur Qūlybaevtyŋ Halyk qory sapaly ädebiettıŋ örısın keŋeituge, ūlttyq mūrany därıpteuge, älemdık ädebiet pen tanymdyq basylymdardy oqyrmanǧa qoljetımdı etuge jäne kıtap oqu mädenietın qalyptastyruǧa baǧyttalǧan jobalardy jüielı türde qoldap keledı.
Memleket basşysy Qasym-Jomart Toqaev: «Ozyq oily ūlt boludyŋ eŋ töte joly – kıtap oqu. Sondyqtan kıtap oqu mädenietın qoǧamda barynşa ornyqtyruymyz kerek», – degen edı.
Osy strategiialyq ūstanymnyŋ jalǧasy retınde Prezident «Kıtap oqu mädenietın damytu jäne zerdelı ūlt qalyptastyru jönındegı şaralar turaly» Jarlyqqa qol qoidy. Qūjat aiasynda kıtap oqu mädenietı men kıtap ısın keŋınen nasihattauǧa baǧyttalǧan «Zerdelı ūlt» tūjyrymdamasyn äzırleu közdelgen.
Osy ūlttyq mūratpen ündes Halyk qory memlekettık bastama qabyldanbai tūryp-aq baspa ısıne, ädebi mūrany nasihattauǧa jäne mazmūndy kıtaptardy jaryqqa şyǧaruǧa belsendı atsalysyp keledı.
Mäselen byltyr Abai Qūnanbaiūlynyŋ tuǧanyna 180 jyl toluyna orai Qor Gülmira Amandyqovanyŋ hakımnıŋ «Qara sözderı» negızınde äzırlengen «Ūrpaqqa Ūlaǧat» kıtaptar toptamasyn şyǧaruǧa qoldau körsettı.
Joba aiasynda qazaqşa-orysşa jäne qazaq tılınıŋ latyn grafikasyndaǧy mätını aǧylşyn tılındegı audarmamen ūsynylǧan 50 jiyntyq, jalpy sany 100 dana kıtap jaryq kördı. Būl bastama Abaidyŋ taǧylymy men tereŋ oilaryn jaŋa buynǧa jäne şeteldık oqyrmanǧa jetkızuge mümkındık berdı.
Biyl balabaqşalar men mektepterden tüsken sūranystardy eskere otyryp, balalar men jasöspırımderge, ata-analar men pedagogterge arnalǧan türlı baǧyttaǧy kıtaptar men tanymdyq jinaqtardy jaryqqa şyǧaruǧa qoldau körsettı.
Olardyŋ qatarynda klassikalyq jäne zamanaui qazaq ädebietı, qazaq poeziiasy, älem ädebietınıŋ taŋdauly tuyndylary, tanymdyq ädebiet, ömırbaian, psihologiia, tūlǧalyq damu, qarjylai sauattylyq, densaulyq pen salauatty ömır salty, ǧylymi-tanymdyq jäne qoǧamdyq-saiasi baǧyttaǧy basylymdar bar.
Balalar men jasöspırımder ädebietıne de airyqşa män berıldı. Halyk qory «Şytyrman ertegıler», «Ol kım?» seriialaryn, tanymal ertegılerdıŋ önegesın tüsındıretın, balalardy ädeptılıkke, ızgılıkke jäne jauapkerşılıkke tärbieleitın kıtaptardyŋ jaryq köruıne qoldau körsettı.
Būl kıtaptar men jinaqtardy Halyk qorynyŋ qoldauymen salynǧan Qostanai qalasyndaǧy balabaqşaǧa, Beineu audanyndaǧy üş mektepke, sondai-aq, «Miras» halyqaralyq mektepterı men balabaqşalaryna beru josparlanyp otyr. Osylaişa, balalar sapaly ärı mazmūndy ädebiettı kündelıktı oqu jäne tärbie üderısınde paidalana alady. Halyk qory atalǧan bılım beru ūiymdaryna būǧan deiın de qoldau körsetken. Būl bastama – bılım sapasyn arttyruǧa baǧyttalǧan ūzaqmerzımdı serıktestıktıŋ zaŋdy jalǧasy.
Būl – bılım beru ūiymdarynyŋ naqty sūranysyna berılgen jauap. Bastama ana tılındegı sapaly ädebiettı balalarǧa qoljetımdı etuge, olardyŋ kıtapqa degen qyzyǧuşylyǧyn erte jastan qalyptastyruǧa jäne elımızdıŋ ruhani qoryn molaituǧa baǧyttalǧan.
Sonymen qatar, Timur Qūlybaevtyŋ Halyk qory «NNEF» qoǧamdyq qoryna «Vdohnovenie» atty ǧibratty äŋgımeler basyp şyǧaruǧa qaiyrymdylyq kömek körsettı. Basylym «Bılım berudegı ruhani-adamgerşılık qūndylyqtar: oqytu men tärbieleudıŋ teoriiasy jäne täjıribesı» halyqaralyq konferensiiasy aiasynda ūsynylady.
«Qazaq halqy sözdı amanat, kıtapty qazyna dep bılgen. Bız üşın kıtap şyǧaruǧa qoldau körsetu – jai ǧana baspa jobasyn qarjylandyru emes, ūlttyŋ ruhani ırgesın bekıtu. Byltyr Abai mūrasyn jaŋa buynǧa jetkızuge üles qossaq, biyl qazaq jäne älem ädebietınıŋ üzdık ülgılerın, balalarǧa arnalǧan taǧylymdy kıtaptardy oqyrmanǧa ūsynuǧa qoldau körsetıp otyrmyz. Ärbır jaryq körgen kıtap – bala sanasyna sebılgen bılım dänı, eldıŋ erteŋıne jaǧylǧan şyraq. Kıtapty qoldau – ūrpaqty, al ūrpaqty qoldau – memlekettıŋ bolaşaǧyn qoldau», – dedı Halyk qorynyŋ Bas direktory Saǧynbek Şüŋkeev.
Aita keteiık, Halyk qaiyrymdylyq qory 2016 jyldan berı elımızde bılım beru, sport, mädeniet, ekologiia jäne infraqūrylym baǧyttarynda 214-ten astam jobany jüzege asyryp, qaiyrymdylyq maqsattarǧa 90,4 mlrd teŋgeden astam qarjy bölıp keledı.
