Ūjymdyq qauıpsızdık turaly şart ūiymyna (ŪQŞŪ) müşe memleketter Armeniianyŋ müşelık jarnalardy tölemeuıne bailanysty oǧan sanksiia qoldanu mäselesın qarastyruǧa kelıstı. Būl turaly 10 mausymda ŪQŞŪ Syrtqy ıster ministrlerı keŋesınıŋ otyrysynan keiın ötken baspasöz mäslihatynda Reseidıŋ syrtqy ıster ministrı Sergei Lavrov mälımdedı, dep habarlaidy «Adyrna» tılşısı.
Lavrovtyŋ aituynşa, Armeniiaǧa ŪQŞŪ jarǧysynyŋ tiıstı baby qoldanyluy mümkın, öitkenı el ekı jyldan berı müşelık jarnalaryn tölemegen.
Äŋgıme ŪQŞŪ jarǧysynyŋ 25-baby turaly bolyp otyr. Būl bapqa säikes, eger müşe memleket ūiym biudjetı aldyndaǧy qaryzyn ekı jyl boiy ötemese, keŋes onyŋ azamattaryn ŪQŞŪ qūrylymdaryndaǧy kvotalyq lauazymdarǧa ūsynu qūqyǧyn toqtata alady. Sondai-aq qaryzy tolyq ötelgenge deiın mūndai memleket ūiym organdarynda dauys beru qūqyǧynan aiyryluy mümkın.
Alaida müşelık jarnalardy tölemeu ūiymnan avtomatty türde şyǧaryludy bıldırmeidı. Memlekettıŋ ŪQŞŪ qyzmetıne qatysuyn toqtatu nemese ūiymnan şyǧaru mäselesı jarǧynyŋ 20-babymen retteledı. Onda el jarǧy talaptaryn, keŋes şeşımderın jäne ŪQŞŪ organdary qabyldaǧan özge de şeşımderdı oryndamasa, onyŋ ūiym qyzmetıne qatysuy toqtatyluy mümkın ekenı körsetılgen. Mındettemelerdıŋ oryndalmauy jalǧasqan jaǧdaida, keŋes memlekettı ūiymnan şyǧaru turaly şeşım qabyldai alady.
Armeniia ŪQŞŪ-ǧa müşelık jarna töleuden 2024 jyly aşyq türde bas tartqan jäne osy ūstanymyn älı künge deiın özgertken joq. Erevan mūny ūiym jūmysyna ıs jüzınde qatyspaitynymen tüsındıredı.
Armeniia men ŪQŞŪ arasyndaǧy qatynastar Erevan ūiymdy el qauıpsızdıgıne qatysty daǧdarystar kezınde äreketsızdık tanytty dep aiyptaǧannan keiın naşarlai tüstı.
ŪQŞŪ – 1992 jylǧy Ūjymdyq qauıpsızdık turaly şart negızınde qūrylǧan äskeri-saiasi ūiym. Qazırgı taŋda oǧan Qazaqstan, Armeniia, Belarus, Qyrǧyzstan, Resei jäne Täjıkstan müşe.
