Armeniia premer-ministrı Nikol Paşinian Armeniia men Türkiia arasynda jaqyn bolaşaqta diplomatiialyq qarym-qatynas ornaitynyna senım bıldırdı. Būl turaly ol 2026 jylǧy Düniejüzılık armian sammitınde qatysuşylardyŋ bırınıŋ sūraǧyna jauap beru barysynda mälımdedı, dep habardaidy "Adyrna".
Paşiniannyŋ aituynşa, qazırgı uaqytta ekı el arasynda resmi diplomatiialyq bailanys ornamaǧan. Degenmen ol aldaǧy uaqytta taraptar özara kelısımge kelıp, diplomatiialyq qatynas ornatady dep esepteidı.
«Armeniia men Türkiia arasynda älı diplomatiialyq qarym-qatynas ornaǧan joq. Alaida jaqyn bolaşaqta ekı el bır-bırınıŋ aumaqtyq tūtastyǧyn, egemendıgı men şekaralaryn moiyndai otyryp, diplomatiialyq bailanys ornatady dep senemın. Menıŋ oiymşa, būl – bız eskeruımız kerek fakt», – dedı Nikol Paşinian.
