Jeksenbi kúni Qytaıda iri kólemdi AG600 amfıbııa ushaǵy Qytaıdyń Azamattyq avıaııa basqarmasynan túrlik sertıfıkatyn aldy. Bul – ushaqtyń sátti jasalyp, salmaǵy boıynsha álemdegi eń úlken azamattyq amfıbııa ushaǵy retinde naryqqa shyǵýyn bildiredi.
AG600 amfıbııa ushaǵynyń ázirleýshisi — Qytaıdyń Avıaııa ónerkásibi korporaııasy (AVIC) — bul sertıfıkattyń berilýin Qytaıdyń arnaıy maqsattaǵy ushaqtar men azamattyq avıaııa salasyndaǵy damýy úshin mańyzdy kezeń dep atady.
AG600 – Qytaıdyń azamattyq avıaııasynyń ushýǵa jaramdylyq erejelerine sáıkes ázirlengen alǵashqy iri kólemdi azamattyq arnaıy maqsattaǵy ushaq.
AG600 ushaqtary órt sóndirý, teńizde jáne eldiń barlyq aımaqtarynda izdestirý-qutqarý jumystary sekildi tótenshe jaǵdaılarǵa arnalǵan, sondaı-aq adamdardyń ómiri men múlkiniń qaýipsizdigin qamtamasyz etý maqsatynda paıdalanylady.
AVIC kompanııasynyń habarlaýynsha, AG600 – ushý salmaǵy boıynsha álemdegi eń úlken azamattyq amfıbııa ushaǵy.
Derekterge súıensek, ushaqtyń uzyndyǵy – 38,9 metr, bıiktigi – 11,7 metr, al qanattarynyń uzyndyǵy – 38,8 metr.
