AQŞ prezidentı Donald Tramp NBC News telearnasynyŋ jurnalisı Kristen Uelkermen bolǧan sūqbat kezınde ony «aqymaq» dep atap, äŋgımenı merzımınen būryn aiaqtap kettı. Oqiǧanyŋ beinejazbasy YouTube-te jariialandy, dep habarlaidy «Adyrna» tılşısı.
Aq üi basşysy men telejürgızuşı AQŞ-taǧy sailau taqyrybyn qyzu talqylaǧan. Tramp demokrattardy «sailau üderısterın būrmalady» dep aiyptap, mūndai äreketterdıŋ äsırese Kaliforniia ştatynda bolǧanyn mälımdedı. Sonymen qatar ol Demokratiialyq partiia ökılderın jäne olardy qoldaityn BAQ-ty alaiaqtar dep atap, NBC telearnasyn jäne Kristen Uelkerdıŋ özın de synǧa aldy.
Jurnalist Tramptyŋ sözderıne qarsylyq bıldırgennen keiın saiasatker ony demokrattarǧa jaqtasyp, eldegı oqiǧalardy bırjaqty ärı būrmalanǧan türde körsetedı dep aiyptady. Onyŋ aituynşa, jürgızuşı «ne alaiaq, ne aqymaq».
«Sız būl sailaudyŋ (2020 jylǧy prezident sailauy – red.) būrmalanǧanyn bılesız. Sızdıŋ telearnaŋyz da mūny bıledı (…) Sız – alaiaqsyz, ABC, CBS jäne CNN de sondai. Sızdıŋ telearnaŋyz bırjaqty ärı ädıletsız. Osy jerden aiaqtaiyq, maǧan jetedı. Raqmet, sau bolyŋyz», – dedı Tramp sūhbatty aiaqtai otyryp.
5 mausym künı Resei prezidentı Vladimir Putin 2020 jylǧy AQŞ prezidenttık sailauynda Trampty «aldap kettı» degen pıkır bıldırgen. Sondai-aq ol sol kezde respublikaşyl kandidat jeŋıske jetken jaǧdaida Ukrainadaǧy qaqtyǧys bolmauy mümkın ekenın aitqan.
