Belgılı jurnalist, qoǧam qairatkerı Ömırzaq Aqjıgıt ömırden öttı. Būl turaly Facebook jelısıne marqūmnyŋ qyzy Eŋlık Aqjıgıt jazdy, dep habarlaidy “Adyrna” ūlttyq portaly.
“Bügın men asqar tau äkemsız qaldym. Tek äke emes, dosym, syrlasym, ärıptesım, janaşyrym edı. Menı erekşe jaqsy köretın. Sebebı, men tuylǧanda papamnyŋ ūiqysy aşylǧan. Basqa balasy jylasa oianbaityn äkem, men tuylǧanda säl jylasam tūryp özı qaraǧan. Äzılımız jarasatyn. Ünemı Aqjarqyn, köŋıldı jüretın. Jan-jaǧyna tek jaqsylyq jasap jüretın. Jurnalistikaǧa keş kelse de, öte myqty jurnalist ol menıŋ äkem edı. Ötken şaqta jazǧan qandai auyr. Jüregım qarsy aiyrylyp, ışımde bırdeŋenı jūlyp alǧandai bolyp jatyr. Tynysym tarylyp barady. Kez kelgen adammen teŋ söilese alatyn. Qazaqşa da, orysşa da sauatty jazatyn. Ädebiet, tıl, saiasat, ekonomika, tarih, matematika barlyq salanyŋ jetı atasyn bıletın. Sopromattan sabaq bergen universitette. Orystar, sopromat sdal, mojno jenitsia" dep aitatyn dep aitqany esımde. Sol sabaqtan studentterge sabaq bergen menıŋ äkem. "Kurator goda" bolǧan. Syzudan maǧan evrei sabaq berdı. Bılmegen jerımde papam syzyp beretın. Ony evrei mūǧalım bılıp qoiady. Pape 5 dep aitatyn maǧan.
Almatyǧa oquǧa tüskenıme quandy. Bır jaǧy, qyzyn uaiymdaityn. Jataqhanaǧa kelıp tūratyn jerımdı körıp ketetın. Diplomdy qorǧaǧanda da kelıp özı qatysqan. Papam kelıp otyrǧanda keudemde bır maqtanyş boldy.
Ömırzaq Aqjıgıttıŋ qyzymyn dep ärqaşan maqtanyp jüremın. Bıraq, äkesız künım qalai bolady eken. Menıŋ äkem, būl jalǧandaǧy eŋ keremet äke. Eŋ myqty, eŋ pozitivtı äke edı. Eŋ aqyldy, eŋ bılımdı äke edı. Eŋ qamqor äke edı. Bır ret men auyryp bolnisada jattym. Äkem kelıp terezesın syrtynan skochtap ketken. Qyzyma jel uıldemesın dep. Kımde bar sondai qamqor äke. Men auyrsam, bırden sezetın. Üige asyǧatyn jūmysynan. Öz aldyma otbasyly bolyp ketsem de, men auyrsam sezıp habarlasyp tūratyn. Bärı jaqsy ma dep. Endı menı olai kım sezedı. Kım menı erkeletıp, kım menı Ainalaiyn dep maŋdaiymnan süiedı. Äke, sızsız qalai ömır süremın men. Äke.....
Naǧyz idealnyi äke boldy. Äke qandai boluy kerek dese, menıŋ äkemdei boluy kerek dep nyq aitamyn. Janyŋyz jännatta bolsyn. Būl sözdı aitu da jazu da auyr eken...”, dep jazdy ol.
Ömırzaq Aqjıgıt 1954 jyly Oŋtüstık Qazaqstan oblysynyŋ Keles audany, Aqtöbe auyl keŋesınde düniege keldı. 1970 jyly mekteptı, 1976 jyly Mäskeu injenerlık-qūrylys institutyn bıtırdı. Zauytta, treste, bırlestıkterde qyzmet atqardy, Qazaq himiia-tehnologiialyq institutynda «sopromat» pänınen tört jyl sabaq berdı, Arys jäne Sairam audandyq äkımdıkterınde bölım meŋgeruşısı, äkımnıŋ keŋesşısı bolyp jūmys ıstegen.
2003 jyldan berı jurnalistika salasynda. «Jas Alaş» gazetınde tılşı, «Oŋtüstık Qazaqstan» gazetınde arnauly tılşı, «Jalyn» jurnalynda bölım meŋgeruşısı, jauapty hatşy, «Jas qazaq ünı», «Qazaqiia» gazetınde bas redaktor bolyp qyzmet atqardy. 2013 jyly bala tärbiesıne arnalǧan «Elıŋnıŋ erı bol, Arda-Şerım», 2014 jyly Qazaqstannyŋ 1995-2010 jyldar aralyǧyndaǧy saiasi-äleumettık jäne öndırıstık ahualyna arnalǧan «Jauǧaşty – ıstıŋ adamy» atty, 2020 jyly «Tynyştyq jaqpaityn adam» atty kıtaptary jaryq kördı. 2004-2023 jyldar aralyǧynda Qazaqstannyŋ belgılı tūlǧalarymen jasalǧan ekı jüzden astam sūhbattary, köptegen maqalalary jaryq kördı.
