Türkıstan oblysynda mūǧalım sot ǧimaratynda özıne qol jūmsamaq boldy
Türkıstan oblysy Ordabasy audanynda mūǧalım sotta özıne qol jūmsauǧa ärekettengen, dep habarlaidy "Adyrna".
Oqiǧa audandyq sotta äkımşılık qamauǧa alu turaly şeşım şyqqannan keiın bolǧan.
Aldyn ala mälımet boiynşa, zardap şekken azamat – 24 jyl eŋbek ötılı bar pedagog H. Erımbetov. Ol 2026 jyldyŋ qaŋtar aiynda M.H. Dulati atyndaǧy mektep äkımşılıgınıŋ şeşımımen Eŋbek kodeksınıŋ 52-baby negızınde qyzmetınen bosatylǧan.
Mūǧalım būl şeşımmen kelıspei, eŋbek inspeksiiasyna şaǧymdanǧan. Tekseru barysynda jūmys beruşı tarapynan zaŋbūzuşylyqtar anyqtalyp, ony qyzmetıne qaita ornalastyru turaly ekı ret nūsqama berılgenımen, mektep tarapynan ol oryndalmaǧan.
Keiın pedagog sotqa jügınıp, eŋbek dauy boiynşa ıs bırneşe ai boiy qaralǧan. Osy uaqyt aralyǧynda alty balanyŋ äkesı jūmyssyz qalyp, bank şottarynyŋ būǧattalǧany aityldy.
28 mamyrdaǧy sot otyrysynda ol sudiaǧa qarsylyq bıldırıp, sot zalynan şyǧyp ketken. Al 3 mausymda sot ony talapty oryndamaǧany üşın bes täulıkke äkımşılık qamauǧa alu turaly şeşım şyǧarǧan.
Ükım jariialanǧannan keiın er adam özıne jaraqat salǧan. Qazırgı uaqytta ol Ordabasy audandyq ortalyq auruhanasynda em qabyldap jatyr.
Oqiǧaǧa qatysty resmi organdar äzırge tüsınıkteme bergen joq.
