Türkıstan oblysynda kolledj ben mektep mūǧalımderı jalǧan diplommen jūmys ıstegen. Oblystyq Bılım basqarmasynyŋ jūmysyna tekseru jürgızgen prokurorlar bırqatar zaŋsyzdyqty anyqtady, dep habarlaidy ”Adyrna” tılşısı QazAqparatqa sılteme jasap.
Qadaǧalau organy ökılderınıŋ aituynşa, basqarma tarapynan oquşylar men studentterdı memlekettık tapsyrys boiynşa negızsız qabyldauǧa qatysty jetı derek anyqtalǧan.
Kolledjderde kadrlar daiarlauǧa memlekettık tapsyrysty oryndau kezınde de kemşılıkterge jol berılgen. Iаǧni, tapsyrysty oryndau barysynda eŋbek naryǧyndaǧy qajettı mamandar dūrys taŋdalmaǧan.
«Şetelge şyǧyp ketken bılım aluşylarǧa negızsız qarjy audaru men mūǧalımderdıŋ jalǧan diplom paidalanu arqyly jūmysqa ornalasqan 35 faktısı anyqtaldy. Būl faktıler boiynşa qazırgı taŋda sotqa deiıngı tergeu bastaldy»,- deidı Türkıstan oblystyq prokuraturasynyŋ basqarma prokurory Dulat Äşırbekov.
”Adyrna” ūlttyq portaly
Ūqsas jaŋalyqtar
