27 qarashada Qarajanbas-Aqtaý tas jolynda munaı kompanııasynyń qyzmetkerlerin tasymaldap bara jatqan shaǵyn avtobýs jylqyny qaqty, dep habarlaıdy “Adyrna” ulttyq portaly Lada.kz-ke silteme jasap.
Shaǵyn avtobýs Qaraturyn ken ornyna bara jatqan. Soqtyǵys saldarynan tórt qyzmetker jaraqat aldy. Onyń ishinde bir adamnyń jaǵdaıy aýyr. Eki aıaǵy synǵan jábirlenýshi qazir oblystyq aýrýhanada jatyr.
“Avtobýs júrgizýshisi jol qozǵalysy erejelerin buzǵany úshin jaýapqa tartyldy. Saraptama taǵaıyndaldy, onyń nátıjeleri boıynsha qylmystyq jaýapkershilik týraly sheshim qabyldanady”, - dedi oblystyq PD.
Qazirgi ýaqytta aýyl sharýashylyǵy janýarlaryn jaıý erejelerin buzǵany úshin jaýapkershilikke tartylatyn janýar ıesin anyqtaý boıynsha jumystar júrgizilip jatyr.
