Qūrban ait qarsaŋynda Özbekstan Auǧanstanǧa 183 tonna azyq-tülık jıberdı. Gumanitarlyq jük Özbekstan prezidentı Şavkat Mirziioevtıŋ tapsyrmasy boiynşa körşı elge jöneltıldı. Būl turaly Surhandariia oblysy äkımdıgınıŋ baspasöz qyzmetı jartialady, dep habarlaidy “Adyrna” ūlttyq portaly.
Özbek halqy atynan körsetılgen gumanitarlyq kömek — körşılerge degen qoldau men tözımdılıktıŋ (toleranttylyqtyŋ) belgısı retınde joldanǧan. Jük qūramynda ūn, kürış, qant, makaron men konditerlık önımder, ösımdık maiy, tez daiyndalatyn taǧamdar, qyzyl būrşaq jäne maş bar.
Azyq-tülık Balh provinsiiasyndaǧy Hairaton qalasyna jetkızıldı. Jük Auǧanstan tarabyna «Asteras» kompaniiasynyŋ aumaǧynda tapsyryldy. Saltanatty şaraǧa Özbekstan prezidentınıŋ Auǧanstan boiynşa arnaiy ökılı İsmatilla İrgaşev, Surhandariia oblysynyŋ äkımı Ulugbek Kosimov, Balh provinsiiasy äkımınıŋ orynbasary Nurulhodi Abuidris jäne basqa da resmi tūlǧalar qatysty.
Auǧan bilıgı Şavkat Mirziioev pen körşı eldıŋ halqyna körsetılgen gumanitarlyq kömek üşın alǧys aityp, Qūrban ait merekesımen özbekstandyqtardy qūttyqtady.
Aita ketu kerek, Özbekstan Auǧanstanǧa ünemı gumanitarlyq kömek jıberıp otyrady. Mysaly, nauryz aiynda Taşkent şamamen 200 tonna azyq-tülık joldasa, mamyrda auyl şaruaşylyǧy daqyldarynyŋ tūqymyn bergen. Al Kabul da öz kezegınde jauap qaitaruǧa tyrysady. Sol mamyr aiynda Auǧanstannan Özbekstanǧa İmam Būhari keşenınıŋ qūrylysyna paidalanylatyn aq märmär tielgen 16 jük kölıgı kelgen bolatyn.
