Täjıkstanda «Eşoni-karate» laqap atymen tanylǧan Saidahmed Ahmedov ūstaldy, dep habarlaidy «Adyrna» tılşısı Avesta-ǧa sılteme jasap.
Ol amoraldyq äreketter jasady jäne dıni bedelı men adamdardyŋ senımın paidalanyp, intimdık qatynasqa tüstı degen küdıkke ılıngen. Täjıkstan IIM mälımetınşe, Ahmedov öz ızbasarlary arasynda «Eşoni-karate» degen atpen belgılı bolǧan. Alaida onyŋ dıni bılımı bolmaǧan, ol bal aşumen, magiialyq räsımder ötkızumen ainalysyp, jeke jäne ıskerlık mäselelerdı şeşuge kömektesemın dep uäde bergen.
Tergeu mälımetıne säikes, Saidahmed Ahmedov kömek sūrap kelgen äielderdı tuystarynyŋ qatysuynsyz öz üiınde qabyldaǧan. Dūǧa oqu jäne türlı räsımder kezınde olardyŋ dıni senımın paidalanyp, äielderge qatysty ädepsız äreketter jasap, jaqyn qatynasqa tüsken. Sonymen qatar keibırın nekege tūruǧa köndırıp, keiın olarmen qarym-qatynasyn toqtatqan. Küdıktınıŋ özı äieldermen jeke qalauyn qanaǧattandyru üşın nekege tūrǧanyn moiyndaǧan.
Ūialy telefonyn tekseru barysynda köptegen äielge jeke sipattaǧy habarlamalar jıbergenı anyqtalǧan. Jalpy alǧanda, ol 11-den astam äielmen osyndai qatynasta bolǧany habarlandy.
Qazırgı uaqytta ol üş äielımen bırge tūrady, al 10 äielden 20 balasy bar. Balalardyŋ auyr tūrmystyq jaǧdaida ömır sürıp jatqany aityldy.
Qūqyq qorǧau organdarynyŋ mälımetınşe, ol senımge kıru üşın dene jattyǧularyn jäne «karate» elementterın körsetken. Sol sebeptı oǧan osyndai laqap at berılgen.
Sondai-aq er adam räsımder ötkızu üşın azamattardan 100-den 200 AQŞ dollaryna deiın aqşa alyp, kei jaǧdaida bır qoi talap etken.
Ol 20 jyl boiy Madaniiat-2 meşıtınde imam-hatyb bolyp qyzmet atqarǧan. Resmi türde adaldyq pen imandylyqqa şaqyrǧanymen, tergeu deregınşe, zaŋǧa qaişy äreketter jasaǧan. Er adamǧa qatysty Täjıkstan Respublikasy Qylmystyq kodeksınıŋ 142-baby 1-bölıgı boiynşa qylmystyq ıs qozǧaldy. Qazırgı uaqytta tergeu amaldary jürgızılıp jatyr.
Būǧan deiın de Ahmedov Qylmystyq kodekstıŋ 170-baby (ekı nemese köp äiel alu) boiynşa sottalǧan.
