Balalarǧa būryş spreiımen şabuyl jasaǧan jasöspırım Qazaqstan men Resei şekarasynan ötıp bara jatqanda ūstaldy. Būl turaly Aqtöbe oblysynyŋ polisiia departamentınıŋ baspasöz qyzmetı jariialady, dep habarlaidy “Adyrna” ūlttyq portaly.
«Jedel ızdestıru ıs-şaralarynyŋ nätijesınde Aqtöbe oblysynyŋ polisiia qyzmetkerlerı şekarany kesıp ötpek bolǧan kämeletke tolmaǧan küdıktını ūstady», - dep habarlady Aqtöbe oblysynyŋ polisiia departamentınıŋ baspasöz qyzmetı.
14 jastaǧy jasöspırım basqa balalarǧa qarsy būryş spreiın qoldanyp, būzaqylyq jasaǧany üşın ızdeude boldy.
Bala anasymen Reseide, Saratov oblysynda tūrady eken. mk.ru saitynyŋ mälımetınşe, jasöspırım äkesımen bırge Qazaqstanda demalyp jürgen.
«Ol üiıne oralǧan soŋ, Saratov polisiiasy onymen profilaktikalyq jūmys jürgızedı», - dep habarlady Saratov oblysy boiynşa Işkı ıster ministrlıgı.
Aita keteiık, äleumettık jelıde jas jıgıt ekı kışkentai balaǧa jaqyndap, olardyŋ betıne būryş spreiın şaşyp jatqan video taraǧan.
