Oral qalasynda «KAZAKH INVEST» ŪK» AQ qoldauymen Euraziialyq industriialyq-logistikalyq habtyŋ ırgetasyn qalau räsımı öttı. Jobanyŋ bastamaşysy – Eurasia Holding Group qūramyna kıretın «Jinone Excellence Investment» JŞS.
Maŋyzdy nysandaǧy qūrylystyŋ bastaluyna orai ötken saltanatty räsımge oblys äkımı Nariman Töreǧaliev qatysty. Aimaq basşysy Prezidenttıŋ tıkelei tapsyrmasymen aimaqtaǧy basym ekonomikalyq salalardy damytu üşın investorlarǧa qajettı infraqūrylym men daiyn zamanaui önerkäsıptık alaŋdar jasaqtalyp jatqanyn jetkızdı.
- Batys Qazaqstan oblysy – elımızdıŋ batys qaqpasy, investisiialyq äleuetı jaǧynan tartymdy aimaqtardyŋ bırı. 2023-2025 jyldary negızgı kapitalǧa şamamen 2,3 trillion teŋge investisiia tartyldy. 2026 jyldyŋ bırınşı toqsanynda ǧana investisiia kölemı 22,4%-ǧa ösıp, 135 milliard teŋgeden asty. Būl körsetkışter aimaq ekonomikasyna biznestıŋ joǧary senımdılıgın körsetedı. Keiıngı 3 jylda 4,9 milliard dollardan astam tıkelei şeteldık investisiia tartyldy. Būl körsetkış boiynşa öŋır respublika aimaqtary arasynda jetekşı oryn alady, - dedı Nariman Töreǧaliev.
QHR-dyŋ Aqtöbe qalasyndaǧy Bas konsulynyŋ orynbasary Chjan Nan maŋyzdy joba ekı el arasyndaǧy dostyq qatynas pen öndırıstık yntymaqtastyqty damytyp, jaŋa deŋgeige şyǧaruǧa serpın beretının atap öttı. «KAZAKH INVEST» ŪK» AQ Basqarmasynyŋ töraǧasy Sūltanǧali Kenjeqūlov jobalardy ıske asyrudyŋ barlyq kezeŋınde investorlarǧa keşendı qoldau körsetıletının mälımdedı.
Jaŋa joba Oral qalasynda 20 gektar aumaqta ıske asyrylady. İnvestisiialardyŋ jalpy kölemı 130 mln AQŞ dollaryn qūraidy. Keşen qūramyna jylyna 30 000 tonnaǧa deiın önım şyǧaratyn bolat konstruksiialary zauyty, jylyna 60 000 danaǧa deiın qūrylys qalyptaryn öndıretın zauyt, sondai-aq jyl saiyn 250 000 buhtaǧa deiın BV tiptı kabel şyǧaratyn zauyt kıredı. Nysandy 2026 jyldyŋ soŋynda paidalanuǧa beru josparlanǧan. Jobany ıske asyru nätijesınde 510 tūraqty jūmys orny aşylady.
Habtyŋ negızgı elementı qytailyq elektrondyq kommersiia kompaniialaryn, reseilık treiderler men europalyq jük jöneltuşılerdı qosa alǧanda, üşınşı taraptardyŋ jükterın saqtauǧa jäne öŋdeuge arnalǧan aşyq ülgıdegı «A» tiptı keden qoimasy bolady. Būl format öŋırdegı tiımdı logistikany qamtamasyz etıp, halyqaralyq saudanyŋ damuyna serpın beredı.
Joba Qytaidy, Ortalyq Aziiany, Reseidı, Şyǧys Europa men Europalyq odaqty bailanystyratyn euraziialyq önerkäsıptık sinergiia dälızı üşın negızgı holdingtık platformany qalyptastyruǧa baǧyttalǧan. Halyqaralyq kölık baǧyttarynyŋ toǧysynda ornalasqan Oral qalasy EAEO elderınıŋ naryqtaryna tıkelei şyǧatyn zamanaui industriialyq-logistikalyq ortalyq qalyptastyru üşın aitarlyqtai äleuetke ie.
