Qazaqstanda Transkaspii halyqaralyq kölık baǧytyn damytu aiasynda jüzege asyrylyp jatqan maŋyzdy infraqūrylymdyq jobalardyŋ bırı – "Moiynty – Qyzyljar" jaŋa temırjol jelısınıŋ qūrylysy qarqyndy jalǧasuda. Qūrylys barysy Ükımettıŋ tūraqty baqylauynda, dep habarlaidy "Adyrna".
Ūzyndyǧy 300 şaqyrymnan asatyn jaŋa temırjol jelısı Qaraǧandy jäne Ūlytau oblystary aumaǧy arqyly ötıp, Moiynty men Qyzyljar stansiialaryn bailanystyrady. Būl uchaske Transkaspii halyqaralyq kölık baǧytynyŋ negızgı bölıkterınıŋ bırı sanalady. Jaŋa jelı ıske qosylǧannan keiın jük tasymalynyŋ qaşyqtyǧy 149 şaqyrymǧa qysqarady, Moiynty – Jaryq uchaskesındegı jükteme azaiady, konteinerlık poiyzdardyŋ qozǧalys jyldamdyǧy artyp, Qazaqstannyŋ eksporttyq jäne tranzittık äleuetı küşeiedı.
Qazırgı taŋda negızgı jer jūmystarynyŋ 90 paiyzdan astamy aiaqtaldy. Rels pen şpal töseu jūmystary 40 paiyzǧa oryndalǧan. Köpırler, qūbyrlar, jol ötkelderı jäne mal ötkelderı sekıldı nysandardy salu men montajdau jūmystarynyŋ 65 paiyzdan astamy bıtken.
Jobany jüzege asyruǧa onnan astam merdıger ūiym tartylǧan. Qūrylys jūmystary täulık boiy jürgızılude. Nysanda 1700-den astam maman men 670-ten asa tehnika jūmys ıstep jatyr.
Josparǧa säikes, temırjol jelısın paidalanuǧa beru aǧymdaǧy jylǧa josparlanǧan.
