Nur-Sultandaǵy LRT qurylysyn aıaqtaý úshin qansha aqsha qajet?

1044

Nur-Sultan qalasynyń ákimi Altaı Kólginovtiń aıtýynsha, LRT jobasyn aıaqtaýǵa mıllıard dollarǵa jýyq qarajat qajet, dep habarlaıdy "Adyrna" portaly zakon.kz-ke siltep.

"Bastapqyda onyń kólemi 2,6 mıllıard dollardy qurady. Biz ony 800 mıllıonnan astam dollarǵa qysqarttyq - qarajatty únemdedik. Qazir qurylysty aıaqtaýǵa mıllıard dollar qajet - vagondar, relster, barlyq ınfraqurylym bar. Jalpy, qurylystyń fınalyna jetý úshin bizge osynsha qarajat qajet", - dep atap ótti ol halyq aldyndaǵy esep berý kezdesýinde.

Ázirge ákimdik ekinshi deńgeıli bankter qatysa alatyn syrtqy qaryzdarǵa tender jarııalady.

Biz tek syrtqy qaryzdardy ǵana emes, eger ishki qarjy naryǵynda qalaıtyndar bolsa, qarastyramyz. BJZQ qarastyrylmaıdy, tek ekinshi deńgeıli bankter ǵana, - dep atap ótti Altaı Kólginov.

Ákim jobanyń aıaqtalý merzimin jarııalamady.

"Naqty merzim qansha ret aıtyldy, sodan keıin osy merzim jospary buzyldy. Sondyqtan, men asyǵystyq tanytqym kelmeıdi. Qarjylandyrý kózderin qalaı sheshemiz, kelisimge qol qoıamyz, naqty jol kartasy, jumys kestesi bolady, sodan keıin aıtamyz", - dep qosty ol.

Qarjylandyrý konkýrsyn 2021 jyldyń jazynyń aıaǵyna deıin aıaqtaý josparlanǵan.

Buǵan deıin qala basshysy LRT qurylysyn salý jumysyn qalpyna keltirý týraly resmı túrde málimdegen.

"Adyrna" ulttyq portaly

Pikirler
Uqsas jańalyqtar