Almatyda ız-tüzsız joǧalǧan 25 jastaǧy Erzat Egınbaidyŋ mäiıtı tabyldy, dep habarlaidy «Adyrna» tılşısı.
Jas jıgıttı ızdeuge Almaty qalalyq polisiia departamentınıŋ barlyq jeke qūramy jūmyldyrylǧan edı. Sonymen qatar, aumaqty tekseru jäne ızdeu paraqtaryn taratu jūmystaryna «Qoǧam» jäne «Lider KZ» erıktıler ūiymdarynyŋ müşelerı tartylǧan.
«Marqūmnyŋ tuǧan-tuystary men jaqyndaryna qaiǧyryp köŋıl aitamyz. Būl qasırettı eŋseruge zor küş pen sabyr tıleimız. Bızdıŋ ızdeu jūmystarymyz aiaqtaldy… Ökınışke qarai, qaraly habarmen…», – dep jazdy erıktıler 23 mamyrda.
Erzat 19 mamyr künı kündız Jetısu audanyndaǧy Raiymbek daŋǧyly boiynda ornalasqan qūrylys nysanynan (147B üi maŋy) şyǧyp ketken. Osydan keiın ol bailanysqa şyqpaǧan. Joǧalǧan jıgıttıŋ telefony soŋǧy ret Almaty oblysy Eŋbekşıqazaq audanynda, Esık saiajailary men «Köksai» saiajai serıktestıgı aumaǧynda tırkelgen.
Qazırgı uaqytta ölımnıŋ naqty sebebı resmi türde jariialanǧan joq.
