Qazaqstannyŋ Qorǧanys ministrlıgı el aumaǧynan tabylǧan ūşqyşsyz apparattardyŋ qai memleketke tiesılı ekenın äzırge anyqtai almady. Būl turaly Mäjılıs kuluarynda Qorǧanys vise-ministrı Darhan Ahmediev mälımdedı, dep habarlaidy “Adyrna”.
Onyŋ aituynşa, äleumettık jelılerde taraǧan dron turaly video jaŋa oqiǧalarǧa qatysy joq. Ahmedievtıŋ naqtylauynşa, būl jazba ötken jyldyŋ 19 mausymynda bolǧan oqiǧaǧa qatysty.
Qazırgı taŋda drondardyŋ tabyluyna qatysty barlyq oqiǧalardy arnaiy vedomstvoaralyq jūmys toby tekserıp jatyr. Onyŋ qūramyna Qorǧanys ministrlıgı men özge de memlekettık organdardyŋ ökılderı engen. Tergeu aiaqtalǧannan keiın qoǧamǧa tolyq aqparat berıletını aityldy.
Äzırge tabylǧan ūşu apparattarynyŋ şyǧu tegı belgısız küiınde qalyp otyr.
Eske salsaq, 2025 jyldyŋ jazynda Qaraqiia audany tūrǧyndary Bolaşaq stansiiasy maŋynan dronǧa ūqsas nysandy tapqan bolatyn. Sol kezde polisiia qūrylǧy eldı mekenderden alys jerden tabylǧanyn jäne tūrǧyndarǧa qauıp joq ekenın habarlaǧan edı.
Sonymen qatar, 2025 jyldyŋ nauryz aiynda Batys Qazaqstan oblysy aumaǧynda bırneşe ret drondar men olardyŋ bölşekterıne ūqsas zattar tabylǧan. Keiın Qorǧanys ministrlıgı apparattardyŋ şyǧu tegın anyqtau üşın äskeri mamandar men qūzyrly organdar qatysatyn arnaiy komissiia qūrylǧanyn mälımdegen bolatyn.
