«VD Stroy Engineering» kompaniiasynyŋ basşysy Azamat Üsımbekov özıne qatysty aitylǧan aiyptaularǧa alǧaş ret pıkır bıldırıp, kompaniianyŋ prezidenttıŋ tuystarymen bailanysy bar degen qauesetterge jauap berdı, dep habarlaidy «Adyrna» tılşısı Ulysmedia-ǧa sılteme jasap.
Soŋǧy ailarda būl kompaniia türlı dauly oqiǧalardyŋ ortasynan jiı körınıp jür. Sonyŋ bırı — jurnalist Botagöz Omarovaǧa qatysty qylmystyq ıs. Ol ıs jurnalistıŋ “VD Stroy Engineering” turaly jariialanymdarymen bailanysty.
Jurnalist nege käsıpkerler men jūmysşylar arasyndaǧy daudyŋ qaq ortasynda qaldy? Kompaniianyŋ artynda kım tūr? Onyŋ bilıkke jaqyn adamdarmen bailanysy bar ma? Al Üsımbekovtıŋ özı “VD Stroy Engineering”-ke qatysty syn-eskertpelerge ne deidı? Derek pen daqpyrttyŋ ara-jıgın ajyratu üşın Ulysmedia.kz Azamat Üsımbekovtı aşyq sūhbatqa şaqyrdy.
Sūhbat barysynda myna mäseleler talqylandy:
– Botagöz Omarova ısı;
– jūmysşylar jäne merdıgerlermen bolǧan dau;
– “Azattyq” materialy men prezidenttıŋ tuystarymen bailanys turaly äŋgımeler;
– tenderler men milliardtaǧan infraqūrylymdyq jobalar;
– qoǧam talqylap otyrǧan özektı sūraqtar.
36 jastaǧy käsıpkerdıŋ aituynşa, onyŋ äkesı qūrylys salasyndaǧy biznestı osydan 20 jyldan astam uaqyt būryn Aqtöbede bastaǧan. Qazır būl baǧytty otbasy respublikalyq deŋgeide damytyp otyr. Üsımbekov özderınıŋ eşqaşan bilıkpen bailanysy bolmaǧanyn aitady.
