Qazaqstanda zeinetaqy jinaǧynyŋ eŋ tömengı jetkılıktı şegı 23-63 jas aralyǧyndaǧy azamattar üşın 79%-ǧa deiın köterıluı mümkın. Būl turaly Eŋbek jäne halyqty äleumettık qorǧau ministrı Asqarbek Ertaev osyndai mälımdeme jasady, dep habarlaidy "Adyrna".
Ministrdıŋ sözıne süiensek, jasyna qarai ärtürlı bolady, iaǧni 23-35 jas jäne 35-63 jas aralyǧyndaǧy azamattarǧa jeke-jeke esepteledı.
«Būl ärtürlı deŋgeide bolady – 23-ten 35 jasqa deiıngı jäne 35-ten 63 jasqa deiıngı azamattar üşın qarastyrylǧan. Jalpy alǧanda, ösım şamamen 79%-ǧa deiın jetedı. Qazır bız formulany, esepteulerdı Bıryŋǧai jinaqtauşy zeinetaqy qorymen bırge daiyndap jatyrmyz. Barlyǧy resmi türde jariialanady. Osy aidyŋ soŋyna deiın bärın egjei-tegjeilı tüsındıremız dep oilaimyn», – dedı ol BAQ ökılderıne.
Onyŋ sözınşe, eŋ tömengı jetkılıktı şegın köteru zeinetaqy qarajatyn merzımınen būryn aludy azaituǧa baǧyttalǧan, sebebı soŋǧy jyldary būl ürdıs aitarlyqtai artqan.
«Būl aqşa aluǧa tyiym salynady degen söz emes. Zeinetaqy qorynan aqşa alu jalǧasa beredı, bıraq ony barynşa azaitu qajet. Taldauymyzǧa süiensek, soŋǧy bes jylda 5,7 trln teŋge alynǧan. Onyŋ basym bölıgı nesielerdı jabuǧa jūmsalǧan», – dedı ministr.
Ministrdıŋ pıkırınşe, bankter üşın zeinetaqy qarajatynyŋ jüieden şyǧaryluy tiımdı, öitkenı būl ipotekalyq nesie beruge mümkındık aşady.
«Eŋbek ministrlıgınıŋ ūstanymy – aqşa jinaqtau qajet. Älemnıŋ barlyq elınde jinaqtauşy qordyŋ basty mındetı – qarajat jinau. Sız de, men de bolaşaqqa qarjy jinauymyz kerek. Zeinet jasyna jetkende sol qordaǧy qarajat esebınen zeinetaqy aluymyz tiıs», – dedı Asqarbek Ertaev.
