Qazaqstan qūramasy bokstan Taşkentte ötken U17 jasöspırımder arasyndaǧy Aziia chempionatyn 16 medalmen aiaqtady, dep habarlaidy "Adyrna" ūlttyq portaly.
Ūlttyq Olimpiada komitetınıŋ mälımetınşe, qazaqstandyq boksşylar qūrlyq bırınşılıgınde 8 altyn, 3 kümıs jäne 5 qola medal jeŋıp aldy. Nūrasyl Ǧalym (50 kg), Hatşepsut Sadvakasova (50 kg), Emir Mūhit (60 kg), Aiaulym Ospanova (60 kg), Diana Nadyrbek (75 kg), Älıbek Alpamys (80 kg), Sabyrjan Saǧym (+80 kg), Jansaia Erjan (80 kg) Aziia chempiony atanǧan. Al kümıs jüldenı Balym Ǧabitqyzy (60 kg), Meiırjan Jünıs (63 kg), İslam Süleimanoǧly (66 kg) ielendı.
Qola medal alǧandar qatarynda Milana İnşina (46 kg), Bekhan Orazbai (52 kg), Nūrislam Oŋalbek (57 kg), Rozaliia Vaideman (57 kg), Ailin Hodjamberdieva (70 kg) bar.
