Foto: Reuters
AQŞ pen İzrail İranǧa qarsy äskeri operasiiany qaita bastauy mümkın, dep habarlaidy “Adyrna” ūlttyq portaly The New York Times basylymyna sıltep.
Basylym mälımetınşe, AQŞ qorǧanys ministrlıgı ötken aida Donald Tramp jariialaǧan bıtımnen keiın toqtatylǧan «Epic Rage» operasiiasyn qaita jandandyruǧa daiyndalyp jatyr. Operasiia jaŋa ataumen jalǧasuy yqtimal.
Qarastyrylyp jatqan nūsqalardyŋ bırı — İran aumaǧyna amerikalyq arnaiy jasaq jıberıp, jerasty nysandarynda jasyrylǧan iadrolyq materialdardy ızdeu ekenı turaly aqparat taraǧan.
The New York Times deregıne säikes, aimaqta qazır şamamen 5 myŋ teŋız jaiau äskerı men AQŞ armiiasynyŋ elitalyq 82-äue-desant diviziiasynyŋ 2 myŋ sarbazy būiryq kütıp otyr.
5 mamyrda Pentagondaǧy brifingte AQŞ qaruly küşterı ştab bastyqtary komitetınıŋ töraǧasy general Den Kein 50 myŋnan astam äskeri qyzmetker, ekı äue tasymaldauşy keme, ondaǧan esmines pen köptegen äskeri ūşaq İranǧa qarsy ırı äskeri ıs-qimyldardy qaita bastauǧa daiyn ekenın mälımdegen.
Sondai-aq AQŞ İrannyŋ negızgı mūnai haby sanalatyn Hark aralyn basyp alu mümkındıgın de qarastyryp otyr. Alaida amerikalyq şeneunıkter būl operasiia ülken şyǧynǧa äkeluı mümkın ekenın aitqan.
Būdan bölek, Vaşington Tegeranmen kelıssözder tyǧyryqqa tırelse, İrannyŋ äskeri jäne infraqūrylymdyq nysandaryna «neǧūrlym agressivtı äue soqqylaryn» jasau nūsqasyn talqylap jatyr.
Basylymnyŋ habarlauynşa, İran Ormūz būǧazy maŋyndaǧy 33 zymyran bazasynyŋ 30-yn qaita ıske qosqan. Būl nysandar AQŞ äskeri kemelerı men mūnai tankerlerıne qauıp töndıruı mümkın.
Sonymen qatar İran syrtqy ıster ministrı Abbas Aragchi Tegerannyŋ Reseimen baiytylǧan urandy ötkızu mäselesı boiynşa aldyn ala kelıssöz jürgızgenın rastady. Onyŋ aituynşa, būl mäsele AQŞ-pen iadrolyq baǧdarlama jönındegı kelıssözderdıŋ keiıngı kezeŋınde qaralady.
