Qyrǧyzstandyq MMA sportşy Medet Jeenaliev Ystyqkölde suǧa batyp bara jatqan qyzdy qūtqaramyn dep, qaza tapty. Qaiǧyly oqiǧa 12 mamyr künı bolǧan. Būl turaly kaktus.media basylymy jariialady, dep habarlaidy “Adyrna”.
30 jastaǧy sportşy kölde demalyp jürgen kezde biık tolqynǧa tap bolǧan ekı oquşy qyzdyŋ batyp bara jatqanyn baiqaidy. Medet dosymen bırge bırden suǧa sekırıp, qyzdardy aman alyp qalady. Alaida özı jaǧalauǧa jete almai, su astynda qalyp qoiǧan.
«Tekseru barysynda kämeletke tolmaǧan tört qyzdyŋ kölde demalǧan jäne olardyŋ bırı şomylu kezınde suǧa aǧyp ketkenı anyqtaldy. M.J. esımdı azamat ony qūtqarǧanymen, özı sudan şyǧa almai qalǧan. Qūtqaruşylar onyŋ mäiıtın kelesı künı taŋerteŋ ǧana su astynan alyp şyqty», - delıngen basylym taratqan aqparatta.
Medet Jeenaliev 2017-2019 jyldary MMA sportynda käsıbi türde öner körsetken. Ol oktagonda tört jekpe-jek ötkızıp, ekı märte jeŋıske jetken.
